سلامات

 حقكم عليا...سامحونى...أصل انا مش ملك نفسى .....وأكل العيش مر ....مافيش أمر منه....سايق عليكم النبى تسامحونى ...وانتى بالذات ياام ليث ..أينعم انتى ظبطتينى فى الدوار التانى ...بس دا كان مرور سريع وخربشه زى خربشاتك الحلوة دى... وانا مش قاعد فى الدوار التانى ولا حاجه......وانتى كمان يانسرينا ..حقك عليا ...ماتزعليش من عمك سلامه...ده انتى بالذات على عينى وراسى ...مع انك كتبتى لى كلمتين زى السم...وانتى كمان يازين حقك عليا ماتعيطيش خلاص ...و سيادة القاضيه كهرمانه اللى كل احكامها لصالح المتهمين.. ومفتاح المحترم..وليالى حنان...وهيام اللى بتسوق بسرعة البرق....والواد نزار الوجيه...وابو النصيرات اللى فاقع مرارتى من الضحك والبكا سوا...واحب اطمنكم جميعا انى بخير وسلامه...وانا حاليا مسافر بلاد بره....سفر مفاجع والله ....بتفق على تصدير العنب والمنجه والتكنالوب...وح اخلص وارجع دوارى على طول ...معلشى ياجماعه ..اعذرونى...ح اتأخر عليكم كمان خمسه وعشرين يوم...هما دول اللى انا بغيبهم فى السنه ...وبعد كده ح تلاقونى فى الدوار ليل ويا نهار ...وكل ما ح الاقى فى بلاد بره قهوة تنترتيت ح ادخل وأزوركم فردا فردا....بس ادعو لى ربنا يجبر بخاطرى وارجع غانم سالم...وليكم الحلاوةلما أرجع ...ح أغرقكم دره...

لما القلب مال
راح ويا الشمال
وف كل الاحوال
انت نور عينى

قلت وهو قال
وطاولنا الجبال
ياللى م الشمال
ياعزيز عينى

اسمك والله حال
بينى والمحال
طمعان ف الوصال
ياحباب عينى

طالب من الله ولا يكتر على الله انكم تقفوا معايا وتساعدونى ....تساعدونى لوجه الله تعالى ....وماحدش منكم خياله يسرح لبعيد..ويفتكر انى طالب حسنه أو فلوس ..لا سمح الله ..الحمد لله مستورة ......وكمان أنا عارف ان فيه منكم ناس لسه عايشه فى زمن الفلس والصاغ ...وان المليم مابيهونشى عليها .....ومحوشه تحت البلاطه شىء وشويات .....انا قاصدكم فى حاجه تانيه خالص ...قاصدكم فى نصيحه...وقاصدكم تقفوا جنبى فى أزمتى ومشكلتى ...أصل أنا نويت أبيع الأرض ...الغيط يعنى ..والدوار الكبير اللى فى البلد حدانا واسافر...لأن فيه واحد ابن حلال جاب لى عقد عمل فى بلاد بره....ح يسلمونى غيط كبير أزرعه ويبقى ملكى ..وانا متزعزع...ومش عارف راسى من رجليا ..وعقلى بياخد ويجيب ..ومش عارف أرسى لى على بر...ناس تقول لى: ازاى ياسلامه ح تفرط فى أرضك اللى هى عرضك وتبيعها وتسافر بلاد بره....وناس تانيه تقول لى انفد بجلدك واهرب من البلد دى ياسلامه...البلد رايحه فى داهيه ...الحق اخرج من البطاله والعطاله والايد البطاله اللى انت فيها ....الحق اهرب قبل ما يدخلوا الأمريكان ويدهسوها ...الحق اعمل لك قرشين للزمن....وانا مش عارف اعمل ايه...؟؟؟ عشان كده انا لجأت لكم لاجل النصيحه.....تنصحونى بإيه...؟؟؟ وجميلكم ده على راسى من فوق .....هى دى المساعده اللى انا عايزها منكم ....تنصحونى بإيه الله يعمر بيتكم ؟

يابوضحكه جنان
مليانه حنان

------------
لساك زعلان؟
طب لو زعلان
خلينى أقول لك
إن الشمس ح تمسك ضلك
وان الواد ابو سن ورمح
حالف يوم راح ياكلك كلك
مش ح يخلى فيك أحزان

حاول تنسى

========
كل جروح

ومسيرها تروق
حدش قالك
يابن الناس..ان الضحكه الحلوة بتبقى
وان الهشه ويا البسمه
تفتح طاقه وتقفل حفره..؟
طيب اسمع
منى حكايه
يوم ما لقيتك قاعد تبكى
قلبى سألنى اي اللى ف نفسى
قلت دموعه تصبح دمى
ياخد منها لآخر نقطه
يمكن قلبه يحن عليا

وان حبيت رح أقول لك نكته
تسمع نكته..؟؟

هأهأهأ
شوفت الضحكه
طلعت تجرى لسابع غيط
نطت م الدوار للبيت
وبلاش تبكى
قول للناس اللى حواليك
إنك خفيت

فرح قلبى...

وادى ايديك رح اوطى وابوسها