ياخوانا فيه حاجة مش مظبوطة …الكلمتين دول مش عايزين يظهرو رغم انى عاطى أمر النشر من قهوة الترترنيت ليا دلوقتى ساعتين وربع……….فيه ايه يامكتوب ..وبعدهالكم بقى….ده دى.

إستضغ في هذا الموقع الكبير و بأسعار مدهشة إخواني و الله
إستضف وافتح موقع أو منتدى على النت و تميز أكثر و أكسب الدولارات
هذا هو الموقع : http://www.teenzstuff.com
لا تتردد في الإتصال بي على الماسنجر عبر الإيميل التالي : fethi-002@hotmail.com
و أنا في أنتظارك أنت ، فعم أنت أخي ، هذه فرصة لا تعوض و الله ، و أسأل الله تعالى لك التوفيق إن شاء الله عز و جل .

زمااااااااااااااااااااااااااااااااان ايام الروقان والزمن الجميل …قال عبد الحليم ..

فوق الشـوك مشانـي زمانـــــــــي قال لـي تعـــال نـروح للحــب

بعد سنين قال لي ارجع تانــــــــي حــتعيش فيــه مجـروح القلــــب

اللـي مـشيتـه رجعت أمشيــــــــه واللي قاســـيته رجعت اقاسيـــه

يـاللـي نسـيــك الـحــب انســاه وابـعد عنــــــــه عـشـــان تلـقــــاه

عايز تعـرف فين الحب وفين لياليه بص ف أي دموع تقابلها راح تـلاقيه

آه من الحب ومن اللي رمانـي وخدني إليه

بعد النار والشوك والباقي راح أمشي عليه

راجع بعد الشوق ما ضنانــــــــي راجع راجع راجع تانـــــــــي

فــــــــــــــــــــــــــــــــــــــــــوق الشــــــــــــــــــــــــــــــــــوك

ودلوقتي في الزمن اللي مش جميل بيقول سلامة ابن سلامة …

فوق الشوك مشاني زماني

قالي تعالى نروح للحب

وح تسمع مواويل وأغاني

تعدل لك شرايين القلب

قلت ف عقلي خلاص ح ارتاح

وانسي الغلب اللي ما ينزاح

وأنعش قلبي بيود البحر

واقفل عيني على الأفراح

اللي حسبته لاقيته خيال

ضاع الحلم مع الموال

قالي حبيبي وينك رايح

عمر الحلم ما يبقى خيال

حكمة ربك انه رعاك

أعطاك حته من الألماس

قبل ما تهجر قلبك يا بني

اجري ناحية قلب الناس

خد بإيديهم

عمر إيديك ما ح تمسك خير

يوم ماتسيب الناس تنداس

وبين الاتنين امل والم …حزن وشجن …حلم وخيال ..جكمة وحب …

سلامة ..مرة اخرى …أبدعت أخي العزيز …

صباحك ود وعنبر يااخ سلامه

اول ماافتح صفحتي اكتشف انك اول مايعلق ع المدونه ….عام جديد مملوء بالخير والسعادة انشاء الله

وفوق الشوق مشاني زماني ……… دمت يااخ بحبك لمصر العروبه

السلام عليكم

اخي سلامةة

اشكرك على هذه المدونة الطيبة

وهذه الكلنات الرائة

لكن لماذا اخترت الشوك

نصيحتي ان تكون متفائلا

————————————بسم الله الرحمن الرحيم ————————————

الحمد لله رب العالمين , والصلاة والسلام على تاج الخلق محمد , خاتم الأنبياء والمرسلين ,

وعلى آله وصحبه الغر الميامين , وبعد

فإني أرجو أخذ هذه الرسالة على محمل الجد والوعي الكاملين

إخواني الكرام , انتشرت في الآونة الأخيرة , وسائل التلصص الالكترونية , التي أنتجتها قرائح

صهيونية , كوسيلة لنفث سمومها , حتى في أبسط الأشياء مثل أجهزة الحاسوب المنزلية

فضلا عن أنها وسيلة للكسب التجاري , من خلال طرح أعداد كبيرة يوميا من الفيروسات على

شبكة الانترنت , كوسيلة للترويج عن مضادات الفيروسات , والتي تصب ميزانيات الشركات

المنتجة لبرامجها في الجيوب الصهيونية وعملائهم

ومن أشهر تلك التلصصات الاليكترونية , وأكثرها انتشارا هو ما يسمى بـ :-
Spyware

لاحظ بعض الزملاء , في الآونة الأخيرة , حدوث نوع من التباطؤ في أداء أجهزة الكمبيوتر الخاصة

بهم , وعلى إثره قمنا بمحاولات مسح كاملة لأغلب المدونات , لنكتشف أن هناك بؤرة تدوينية

تقوم بزرع السباي واير في الأجهزة الالكترونية , وسنكشف تباعا أسماء المدونات التي

نكتشف وجود تلك البؤر بها , ليأخذ الجميع الحذر اللازم تجاهها , ولا سيما منذ الآن حتى يوم

السابع من يناير 2008 والذي يوافق الاحتفالات السنوية بعيد الميلاد المجيد والتي , -

بمناسبتها, قامت القريحة الصهيونية , بطرح نوع جديد من السباير واير يعمد إلى احداث

أضرار شديدة بملفات التشغيل في الويندوز

ولا تنزعجوا إذا قلنا لكم أن كل زوار تلك المدونة , قد أضيبت مدوناتها بعدوى السباير واير, فقد

قمنا بإرسال تنويه بذلك إلى إدارة مكتوب للقيام بعمليات المسح الشاملة على الموقع كاملا

لتخليص المدونات من العدوى الالكترونية , فضلا عن أن النوع الذي انتشر كثيرا بين المدونات –

نتيجة العدوى من تلك البؤر – لا يزال من النوع محدود الخطر

ولكن نرجو اتخاذ الحذر اللازم من الآن فصاعدا , تحدبدا منذ اليوم الأول حتى السابع من شهر

يناير القادم

وكانت أول مدونة , اكتشفنا وجود بؤرة معدية بها , تقوم بزرع السباير واير هي مدونة

(الفيل – النت بتتكلم عربي )

وكانت الوسيلة المتبعة في هذا , من قبلنا , بسيطة للغاية , ويستطيع أي شخص أن يقوم بها

للتأكد من واقعية الكلام ومصداقيته

حيث قمنا بعملية smart scan على ملفات الويندوز باستخدام البرامج المضادة للـ Spyware ,

وبعد أن قمنا بازالة كل أثر للـspyware من على أجهزة الحاسوب الخاصة بنا , كنا نعيد فتح

نافذه تلك المدونة لمدة لا تتجاوز ال 10 ثوان ٍ , ثم نغلقها , ونقوم بعملية smart scan ثانية

لنكتشف أن الأجهزة أصيبت مرة أخرى بذات الـ spyware

و ما تم اكتشافه في مدونة ( الفيل – النت بتتكلم عربي ) هما نوعين من الspyware ذات

القدرة الفائقة على اختراق الجدران النارية للويندوز أو ما يسمى بالـfirewall

وهما من نوعي monitoring tool spyware بالإضافة إلى الworm adware

ولزوار تلك المدونة- الذين حتما أصابتهم العدوى- نقدم نصيحتنا بتحميل برنامج ال ad-aware

من على الرابط التالي ( وهو برنامج مجاني يقوم بتخليص الأجهزة من الـspyware
http://www.lavasoftusa.com/products/ad_aware_free.php

أو استخدام أي برنامح مضاد للـspyware

ويستطيع من يشاء , وباستخدام تلك البرامج, أن يعيد ذات التجربة – التي ذكرناها سالفا –

للتحقق من وجود هذا الخطر في تلك المدونة

فضلا عن توخي الحذر مع تلك المدونة في الفترة القادمة , والتي توافق الاحتفالات بعيد الميلاد

المجيد , لأن الـنوع الجديد من الـspyware , والذي وصلنا أكثر من تحذير بصدده , من خلال

البريد الاليكتروني , هو من فصيلة الmonitoring tool spyware والذي اكتشفنا وجوده في

تلك المدونة فعلا , والذي – للأسف – يتناسل بطريقة الكترونية سريعة , ويقوم بتحديث نفسه

بنفسه بدون علم صاحبه , ليضيف إليه الجديد والأكثر ضراوة كل فترة

هذا , وسنعمد –لعموم الفائدة ودرءا للضرر– إلى كشف اسماء كل المدونات التي تحمل مثل

هذه البؤر الالكترونية المعدية, متى اكتشفنا وجودها

والسلام عليكم ورحمة الله تعالى وبركاته

فيه حد هنا بيقول لى ادخل مش على عارف ايه واكسب دولارات …حد والنبى ياجماعة يفسر لنا الكلام بتاعه ده…لأنه كاتب كلام بحروف أجنبية …ماهو أنا مش كل شوية ح نادى على الواد خلف واد اختى علشان يترجم لى …وخصوصا ان انا مفهم الواد ان انا أبو العريف …وانى باختبر بس معلوماته…والنبى ياجماعة تاخدو فينا صواب وتشوفوا الموضوع ده ..يمكن ربنا يرزقنا بشوية دولارات نحولهم للمصرى جنيهات وأهو نهرب من الفلس والبطالة اللى احنا عايشين فيها .

أهلا أهلا أهلا بيكى يانسرين ..يازهرة معطرة …وبنورة منوره…

حلوة المقارنة اللى انتى عملتيها دى… وطبعا انا بأيدك يانسرين ..احنا يابنتى فى زمن غير الزمن …وناس غير الناس …ومفيش حد بيصبر على حد ولا بيراعى حد …ده حتى الاخوات اللى فى دار واحده والا عمارة أو شارع واحد ..عايشين ولا حد حاسس بحد ولا حد دارى بحد….لا هو عارف جاره اللى تحت منه بات شبعان والا جعان …ولا هو عارف جاره اللى فوق منه بايت متعافى والا بيتوجع وعيان…

وانتى صباحك ياقوت ودهب ومرجان يازمرد….

ماانا لاقيتك فاتحة الشباك فى العشية عم أول …قلت أنبهك بعدين تاخدى برد.

لعلك بخير

أهلا بيك ياهادى وعليكم السلام…وبعدين انت مستعجل ليه كده …مش تقعد شويه؟؟أقله تكتب كلمه مظبوطة بدل ما نص الحروف واقع منك…انت ف سنه كام ؟؟!!

الا ايه حكاية الفرفوسات دى ياجماعة ؟؟؟ ودى فيه منها ضرر على صحة البنى آدم ؟؟؟والا دى بتاكل الكامبايوتر ات بس …طب وبعدين ح اعمل ايه انا دلوقتى…أبقى أسأل فيها الواد ابن أبو خميس بتاع قهوة الاتنرتيت..ما انا قاعد عنده يوماتى ..وهو بقى اللى يتصرف ..هى كانت كامبايوترتنا..أهى حاجته ان شالله تولع..احنا فى البلد عندنا كذا قهوة ..بس باروح عنده علشان هو رخيص فى السعر ومهاود حبتين…بياخد منى جنيه بس فى الساعة …

عزيزي سلامه

كتاباتك لسان حالك فهي أفصح منك لسانا

أنت كتلة مشاعر موجهة تبذرها على جميع من حولك

ضاع الحلم مع الموال…………….ونعش قلبي بيود البحر…………أجري ناحية قلب الناس

جميل و الله و معبر ها ….أحببتها

وخلي بالك من الفيروسات و الرسائل الموبوءة و للحذر … أ ديني أبعثلك تحياتي المكممة

كتلة مشاعر..؟ أبذرها؟ وهى دى بتتزرع ياإشراف ؟ باينك غويتى الفلاحة اهو وبتتكلمى عن البذور…كويس برضه …العلم نور..

متشكر ليكى خالص ..وربنا مايحرمنا من طلتك..أما عن الفرفوسات اللى بتتكلمى عنها …ف دى مسئولية الواد ابن ابو خميس وانا ماليش صالح بيها. نورتى ياغالية

اسم النبى حارسك وصاينك ياسلوى يابنت جلال …اللهم صلى على الحبيب المصطفى…ماشا الله عليكى وعلى غزارة علمك ورجاحة عقلك..ياما كان نفسى ربنا يرزقنى ببنت زيك كده.. تفرح قلبى …ربنا يحميكى لشبابك…

اللى انتى كتبتيه ده ياسلوى ده مش مجرد تعليق ,,ده تحليل وتفسير وتشخيص ..والله ياسلوى ..ليكى حق تقولى ايه ده اللى حسبته خيال؟ زى ماتكونى مكشوف عنك الحجاب…بصراحة أنا بدأت أعمل لك حساب وألف حساب!!! وبعد كل ده عاوزانى أصرح!!ده انتى كنتى أول واحده تمشى بمزمار…

وكمان عارفه ان قرين النبى أسلم..!! ووادى عبقر اللى منه اشتقينا كلمة عبقرى ..!!!ماشاء الله عليكى ….انتى عارفه ؟ والله ماحد عملى شعبية ف البلد غيرك انتى …ومحدش خسف بالشعبية بتاعتى دى الأرض غيرك انتى برضه!!! ح تقولى لى ازاى ؟أقولك….لما كتبتى عنى عندك هناك فى طنجه…الناس طلعت تجرى زى ما قلتلك وراحت تقرا اللى مكتوب ….وفرحوا بيا ومبقاش فيه حد بيقابل حد تانى فى البلد الا ويقول له شفت اللى الست سلوى كاتباه عن عم سلامة ؟ الحق خدلك نسخة من اللى طابعهم الواد ابن أبو خميس …وبقيت زى نار على علم فى البلد حدانا …أنا كنت فاكر كده…أتارى ابن العفاريت الواد ابن ابو خميس راح طابع كمان كل حواراتك معايا حوالين النظام السياسى ..والفرد الحاكم ..وكمان حكاية بوش واللى أنا قلته ورددودك عليا …وراح موزعهم على أهل البلد …ومبقاش على لسنة الناس سيرة غير عم سلامة اللى أفحمتو الست سلوى ..وخليته يسلم ويعترف انها على حق وهو على باطل..ده غير اللى يتنأوز عليا بكلمة هنا وكلمة هناك ..واللى زاد وغطى العيال الصغيرة فى البلد اللى ماشية ورايا تقول لى روح اتشطر على الست سلوى اللى أفحمتك..وخليتك مش عارف ترد.. الله يسامحك

وبعدين فين تفسير القبضات التلاته…ده كلام برضه !!!تمشى من غير ماتفسرى..وبعدين والله لا طولتى ولا حاجة …ده كلامك كله زين..عموما مستنيكى تكملى كلامك هه…

وكل عام وأنتم بخير

وصلنا إلى القبضات الثلاث فدعنا نتخاصم حولها قليلا

تخاصم حب وود

فقد قالت لي جنيتي تلك

هو بالصورة هاته يظهر ويبطن

فأما ما يظهره فواضح للعيان

والجميع سيدرك أن الرمز يشير إلى الاتحاد ورصّ الصف لتقوية الجماعة والابتعاد عن الاشرئبابات الفردية والتطلعات تكمن وراءها الأنانية والتي إن لم تفرّق لا توحد

.

قلت وشوقي بلغ بي القــُــنـّــة

وماذا عما تبطنه الصورة

فإني لا أشك في سلامة قلب العزيز سلامة

قالت مندهشة

رويدك أيتها الطيبة الغريرة

فأنتِ كما يقولون هناك في مصر على نياتك

ثم قالت تأملي الصورة جيدًا

قلت منصرفة عن التطلع إليها

فقد ارتسمتْ في مخيلتي فما لاحظت أكثر مما تأولتها به

قالت مبتسمة

فلتتأملي الأظافر وتضاريس القبضات الثلاث

تأملت ودققت النظر

ثم قلت

فإنها لأظافر نظيفة وإن التضاريس لبهية

قهقهتْ وقالت

وأنا التي أعتقد أنك دقيقة الملاحظة

ثم أبدت الجد كل الجد وقالت

أفلا تشمين ريح رجولته تفوح من مكونات الصورة

فقد جمع قبضات رجالية

فأين أين دور المرأة

لكأني به يقول

بل وإنه ليقول

العقد والحل كله للرجال

انبهرتُ الانبهار كله وقلت

فكيف كان عليه أن يفعل

قالت ما لا يغيب عن صميم دعوتك ودعوة الإسلام

أفليست النساء والرجال على السواء الشقائق فالأشقة

قلت فهي قبضات ثلاث فأين يضع منها قبضة المرأة

قالت غاضبة بل قبضة المرأة وقبضة المرأة فقبضة الرجل

أما يحلو لهم أن يرددوا أنْ للذكر مثل حظ الأنثيين

قلت معترضة فهذا إنما هو في الإرث وفي حالات معينة من الإرث لا أكثر

فأما الدعوة فهي للمساواة

قالت فلتكن القبضات أربعًا إذن أو على الأقل اثنتين

قلت فالإثنتان لا توحيان بالوحدة فليس لنا عن الثلاث قبضات أو أكثر من بديل

وقلت سائلة فإن كانت ثلاث قبضات اثنتين للمرأة وواحدة للرجل فكيف يكون الترتيب

قالت مبتسمة وكيف يكون في تصورك

قلت لعل الأمثل أن تتوسط قبضة الرجل القبضتين الأخريين

قالت تبًا لك ألف تبًا

فإنما أنت بهذا الوضع سترضين فيه غرور شهريار

قلت مستسلمة فكيف ينبغي أن يكون

قالت قبضته تعلوها قبضتا الأنثيين

قلت ولم ذلك

قالت أفليس أن المرأة مشتقة من الرجل

قلت نعم فالمرأة أتت من ضلع فيه في الأصل

قالت محتدة منتفضة كالثائرة

بل من ضلع أعوج في آدم خلقت حواء السوية بالغة السواء

فالعوج بقي فيه فأما الخارجة إلى الدنيا فالوردة المتفتحة يحميها الشوك من سائر الأطراف

.

فتحتُ فمي لأتكلم

فانطمست من أمامي جنيتي تلك وتركتني لنفسي

فيا ألله

/

أخي سامح هذا الأخذ والرد الذي أخذني فملأ من مدونتك الجليلة كل هذه المساحة

ولكنني حاولت أن أحرص الحرص كله على أن أكون أمينة في النقل

والضمير مني يشهد على أني كنت كذلك

/

يبقى بعد ذلك حديثُ الموعد حديثــًا آخر

فليكن له من النصيب الإرجاء

/

تقبل أيها العزيز أسمى آيات تحياتي واحترامي وتقديري

وكل سنة وأنت ومن معك ومصر القاهرة التي نرجوها دومًا قاهرة للظلم وسائر ألوان الطغيان

بألف ألف خير وخير

*

( هبي تنيو يير )

سنه حلوه

الإخْوَة وَ الأخَوَات قُرَّّاءَ وَ زُوَّارَ هَذِهِ الْمُدَوّنَة :

أتوجّه إليكم جميعا بأسمى آيات التّهاني وأطيب التـّحيّات

بمناسبة :(( السّنة الميلادية الجديدة 2008 )) ،

و كلّ عام و أنتم بألف خير و ألف بركة.

و أرجو من المولى سبحانه و تعالى

أن يعيده علينا وعليكم

و على الأمّة العربية و الإسلامية

بالخير و البركات .

طالعة من بقك زى السكر ..حقك ع راسى ما تزعل…..يارباب ..ومع ذلك برضه انا زعلان ..ليه ؟ لأن الترحيب بيا وبغيرى حتما ولا بد يكون عندك مش عندى…وانا أرحب بيكى لما تيجى عندى…هو سلو بلدنا كده…ومينفعش أرحب بيكى فى بيتك …والا ايه؟

ومساءك ورد وعنبر ..وعليهم كمان من عندى ..فل وياسمين

حاضر ياإشراف

انا جاى ..باينك عامله لى مقلب ولا هى فرصة العمر ولا حاجة …أو عى تكونى عايزة تهربى من البتاع ده اللى اسمه كوبورنات السحب وتدبسينى أنا فيها

لا يامريم ..ماكيش حق يامريم ..والله اللى بتعمليه ده مايصح….هى دى أصول يامريم ..تاخدى فى وشك كده لا حس ولا خبر …؟؟؟احنا برضه أهلك وناسك يامريم ..وبنتوغوش عليكى ..يابنتى قولى لى بس ايه اللى شاغلك كده ؟

متشكرين منك اوى ياإشراف على المعايدة الجميلة دى …بس مش معقول يعنى ياإشراف كل شوية ح اصحى الواد خلف علشان يترجملى الكلام الغريب ده اللى انتى كاتباه…وبعدين ده مش محتاج واحد بس يترجم ..ده أنا محتاج اتنين…وآخرتها معاكى بقى ياألا فرنكة انتى

أمنياتي لكم بكل ألوان السعادة

كل عام وانت بالف الف خير

احترامي

الله الله الله

دعوة جميلة اننا نحب بعض ونقف جنب بعض وندافع عن بعض

ابدعت والله

يارب سنة سعيدة وكلها خير عليك وعلينا

وانت بخير وسعادة ياحاج سليمان ياطيب يامحترم …ياابولسان بينقط حكمة وايمان

متشكرين ياإيمان …وكل سنه وانتى طيبة…وكل أفراد الأسرة فردا فردا

يا سيدى على الكلام الحلو اللى معناه كبيررررررررررر

نصايحك مظبوطة جداااااااااا

لكن بصراحة الواحد ساعات من كتر ما بيدور على حاجة الناس وبيسعى فيها بينسا حاله وحياته وفجأة يفتكر انه مر العمر عليه من غير حب ولا احساس غير بالناس يمكن دى حاجة كويسة انه يفكر فى الناس كتير لكن مش على حساب نفسه وحياته …

اشكرك يا استاذ سلامة

ومدونتك سأداوم على زيارتها ففيها ما يستحق القراءة والمشاركة

شوفى بقى ياسلوى …مش انا اللى يخاف من جنية ولا عفريته ولا حتى أبو رجل مسلوخة اللى كانو بيخوفونا بيه زمان زمان واحنا صغيرين…آه …وبعدين يعنى هى عفريتك ح تتكلم عنى بسوء وانتى ح تسيبيها من غير ما تردى غيبتى .. ؟ده انا حتى ح يكون لى ملاك حاضر وح يشهد عليكى لو انتى ما ردتيش غيبتى…واذا كان على بوق الاسرة فانتى بوق ونص كمان ..ده انتى اذاعة متنقله…هو انتى بتقعدى ساكته ابدا !!!!

وبعدين أنا خايف عليكى ياسلوى من البتاعة دى اللى بيسموها الشيزافورنيا ..يعنى بدل ما تبقى واحدة تبقوا اتنين..وباينك داخلة على المرحلة الخطرة دى…وانا مش عايز أقول لاخوانا هنا انتى كاتبه ايه عندك النهاردة آه الموضوع اياه اللى بتكلمى فيه نفسك وتردى عليها!!!!ياسلوى انا ناصح أمين …خفى يابنتى من مسألة العفاريت دى وارجعى لعقلك الله يخليكى ..انتى لسه صغيرة وشابه والحيتة قدامك ..ليه تضيعيها على السحر والشعوذة ..احنا محتاجين لك فى مصر والمغرب وكل الامة العربية ..لأن انا حاسس انه ح يكون لك مكانة كبيرة أوى فى الكتابة والأدب خصوصا وانتى ضرعمية كبيرة ..زى مابيقولوا هنا فى مصر على عباقرة لغة الضاد…وبعدين انتى كل شوية تستشهدى لى بواحد شكل ؟؟مرة فلفسوف ومرة مفكر ومرة بتاع رواية ..ايه الحكاية ؟؟ومين بوراتو موفافيا ؟مش هو ده الراجل بتاع الحكايات العاطفية الملتهبة!!طب ما انا عارف أهو…يعنى مش انتى بس اللى متثقفه …وميغركيش ان انا فلاح …فلاح بس متنور

وعموما انا عارف انك مش ح تقبلى انى أتمس بحرف سوء ..ما انتى قريبتى؟ هو انا مقلتلكيش؟ مش طلع فيه فرع للعيلة بتاعتنا فى طنجة…!!!أصل اسمى الرباعى هو سلامة سلامة سلامة جلال

أهلا أهلا ياسيدنا محمد رمضان …أهلا بيك ياراجل يابركة….والله ياأخى لما بتهل عليا بيهل معاك النور والخير ياوش الخير انت…انا زى ما اكون اعرفك من زمان …روح الله يبارك لك ويبارك فيك

عزيزى عم سلامة

يشرفنى دائما أن أقرأ تعليقاتك الجميلةعلى مدونتى

أما بالنسبة لقصائدك فأنا بأستناها باستمرار لانها بسيطة و اسلوبها شيق و تحمل معنى حقيقى ممتعة جزاكم الله خيرا

لك تحياتى وتقديرى

مشهد يتكرر كل عام .. ؟!!

ثمة حقيقة مخجلة ، ومزعجة تلك الرغبة القاسية والمتعبة ، والاستشعار المستمر من داء الكتابة .. ومحنة الخوف من الهواية التي نعتبرها من محصلات التواصل والانحياز والوفاء. .. !! والتي نعتبر هذه المحاولات محطات ضرورية نتوقف عندها فجأة لنتفقد بعضنا .. ونشارك بعضنا الوجع .. والتألم .. والغيظ ..والاستهجان .. بتعابيرنا .. والفاضنا ، وأحبارنا ، وعناويننا .. وبالجمل ، والأحرف التي نصنعها نحن ، ونختارها بعشقنا الأبدي لرمال الجنوب وشواطئ الشمال.. على خارطة أمتنا العربية والإسلامية .. وهي تصارع داخل جهنم .

في مشهد مقيت يتكرر نهاية كل عام مسيحي يظهر فيه بعض الفارغين روحياً ، والمشوهين ثقافياً ، والمنسلخين عن دينهم الإسلامي الحنيف .. وهم يمارسون طقوساً غربية وغريبة في مباهج احتفالية زائفة وماجنة سموها أعياد ..) الكريسمس (.. احفالاً بميلاد السيد المسيح عليه السلام ، والمسيح ورسالته منهم براء .. أن الاحتفال بميلاد السيد المسيح وبالطريقة التي اعتاد عليها البعض يتم عن كونهم يعيشون حالة من الغياب الروحي والثقافي ، وانسلاخاً أكيداً عن القيم والمثل العليا التي جاء بها ديننا الإسلامي الحنيف وماسبقه من أديان أخري.

إن الآخر الذي يقلده بعض المتخلفين والمنسلخين والجاهلين ، بدينهم وثقافتهم وفي طقوس احتفالاتهم هو ذاته من عمل على تشويه ديننا والتطاول علينا وعلى نبينا محمد عليه أفضل الصلاة والسلام .. وهذا وللأسف الشديد مالا يعيه أو يدركه أولئك المنساقون وراء تقليعات الغرب وترهاته .. إننا نؤمن تمام الإيمان بكل الأنبياء والمرسلين .. ولا نفرق بين أحد منهم .. ونحترم كل الأديان السماوية ونقدسها .. إلا أننا في الوقت ذاته نرفض قطعاً أي انسلاخ عن ديننا الإسلامي أو أي تشويه لثقافتنا وقيمنا المثلي .. خاصة وإننا ندرك جيداً أن ما يمارس الآن لايؤسس إلا لثقافة غريبة تسعي لتشويه عقول شبابنا وإفراغهم من كل محتوي قيم ، بهدف إعادة أنتاج عقول تحمل ثقافات تخالف تعاليم ديننا .. وتتعارض كلياً مع ثقافتنا وعاداتنا وبيئتنا الاجتماعية .

إن مايمارس من طقوس احتفالية ماجنة وليال صاخبة لا علاقة لها بميلاد السيد المسيح عليه السلام وما يدعو له ..

بل تعكس خلو ثقافة الغرب من كل المضامين السامية والقيم النبيلة .. وتمثل أيضاً تشويهاً متعمداً لرسالة المسيح التي تدعو إلى تكريس وتأكيد قيم التسامح والفضيلة والسلام .. إن أولئك الذين يحاولون أن يكونوا غربيين متنصرين أكثر من الغربيين النصارى أنفسهم ، ممن راحوا يحتفلون بميلاد المسيح عليه السلام على الطريقة الغربية الماجنة وأضافوا من عندهم ، ماأكد لنا ولغيرنا أنهم على درجة من الانحطاط وفقدان الوعي ، بل أنهم والجهل سواء.

الكوكل …؟ ايه الكوكل ده يازمرد زمرد؟ ليكون قصدك االكوكلكولا…؟ لا يابنت الحلال انتى فهمتينى غلط …انا قصدى على الصورة الحلوة اللى انتى نشراها عندك …الصورة الأبيض واسود ..انما انا الحمد لله عينى شبعانه وشارب كوكلكولا لما قايل يابس..وبعدين لو انا قبلت دعوتك يعنى مثلا مثلا ح تبعتيها لى ازاى الكوكلكولا دى ؟ فى الاتنرتيت؟

وبعدين بلاش تكتبى لى حاجة بالعنجليزى يازمرد..لأنى ما بلاقيش حد يترجم لى الكلام …هما كلمتين علمهم لى الواد خلف وانا مش عايز أحتاج له تانى ..أصل ده واد فضحى وبيتمألس عليا.

متشكرين لكرم أخلاقك يازمرد

مين…؟ مريومه…ياأهلا وسهلا…نزلتى سهلا وحللتى أهلا….لعلك تكونى عملتى ليك قرشين حلوين اليومين اللى فاتو دول ؟ أصل انتى مابتضيعيش وقت أبدا…عاملة زى فاطنه اللى حدانا ف البلد ..هما بقولوا لها يادكتورة فاطنه…فتحت عندنا عيادة وهى لسه فى سنه رابعة طب..أينعم بتكشف على العيانيين بمبلغ رمزى …انما ماشاء الله ..بيدخلها فى اليوم ولا 50 راس من البنى أدمين ..ايشى اللى عنده صداع وايشى اللى عنده زكام وايشى اللى صوبع رجله اليمين مفارق …بتكشف عضم ونظر وباطنه وقلب واعصاب ..تقوليش بتفهم ف كل حاجة…يالا ..أرزاق

متشكرين ياعم طارق ياموافى …زدتنا شرف ..ومجيتك دى فوق راسى من فوق…والله ياجماعة أنا عشرى وبحب الناس ..بحبكم كلاتكم فردا فردا .. ذكرا وانثى ..

اهلا اهلا ست البنات ..نورتى بيتك ومطرحك يامريم…ما تأخذينيش اتأخرت عليكى ..أصل سمعى تقيل حبتين …

انتى كمان وحشتينى والله يامريم …واذا كان على النط ..فأنا اللى كل شوية ناطط عندك لما خايف لرقبتى تنكسر…الا هو انتى ما رجعتيش تانى ليه ؟ مش قلتى ح اعمل بصه وارجعل لك ..والا البص أخدك منى يابصاصة

ايه ياخويا الحلاوة والجمال ده…هو انتى معاكى البتاع ده اللى بيسموه تاب توب….يعنى كامبايوتر فى السرير والا ايه.؟؟ ….

دانا افتكرتك بتاكلى رز مع الملايكة…..اتاريك لسه مفنجلة….

ودانى….. حاضر يامرمر ..ح اروح للدكتور يمكن يركب لى سماعة تانية غير اللى ضاعت منى عم أول.

ماشى كلامك يا أبا الحاج سلامة

دا اللى ملوش كبير يا جدعان

لازم يشترى واحد على الأقل

بس بذمتك

انت مش مع موضوع تعدد المرتات ؟؟!

السلام عليكم

حلو كثير انه الواحد رغم كل همومه ومشاكله لسه بيحلم نورتني بتعليقاتك

يا يا عم سلامه وتعليقاتك عن جد من اجمل والطف التعليقات عند الكل سنه حلوه عليك ان شاء الله ويديك الصحه وطوله العمر

لك كل المنى والتقدير

سلام

كلام جميل

فكرتنى بصلاح جاهين يا استاذ سلامه

شكرا الله سعيك

ما بعرف شو بدي قول

لكن كلماتك معبرة جدا

وفيها شيء من الوطن ومن اصالة ابناء الارض

تحية محملة بكل الود والتقدير

دمت بخير

مين اللي نايم دلوقتي

يا سيدي

نوم العوافي

شوف ياعم ايهاب …موضوع تعدد المرتات ..مش ح يجيبلى ويجيبلك غير وجع الدماغ ….خليك انت يابوى فى طريقك وانا فى طريقى….انما تقعد انت والشيخ محمد تشعلوا الفتنه بين الستات والرجالة …اهو ده اللى لاممكن أسمح بيه …آه ..الرجال شقائق النساء …ومش عايز أطول علشان ما تتهمنيش انى بحرض الناس ضدك..وكفايانا كده

والله انتى اللى منورانا ياسلام..يامحترمة يارزينة…متشكر اوى ليك ياسلام…أيوة كده ادعى لعم سلامة بالصحة وطولة العمر فى الخير …ربنا يكرمك أحسن السن له عامل برضه

شرفتى ونورتى ياأمنيه.. والله انا اتأثرت كتير أوى بحالة الحزن اللى عندك … الله يرحمه ويحسن اليه…وان شاء الله ما نجيكليش فى حاجة وحشة أبدا يارب.

والله انا اللى مابعرف شو بدى اقول…مش انتى ياريما…لأن زيارتك بتسعدنى زى يوم سعادتى وأنا باجمع المحصول من الغيط ..أصل ده بيبقى يوم عيد حدانا فى البلد….

حد قالك تنامى وتلطعينى خمس ساعات بعد العشا؟ ماهو ده ميرضيش ربنا يامرمر….وبعدين انا لسه توى جاى من بره ..كنت ف واجب كده عند جماعة فى البلد

يالا اصحى بقى

وهو انتى فاكرة ان انا مش عارف اللى كتبتيه ياسلوى ؟ والا كنتى فاكرة ان انا نايم على ودانى … ده انا شايفك وانتى بتكتبى فيها قبل ماتنشريها ..!!!!وبعدين دى برضه كلمة شكر ياسلوى ؟؟؟؟؟ ماكنش العشم يااولاد….ياسلوى انتى عملتى منى فار تجارب …نازلة فيا اشى فحص واشى تشخيص واشى تمحيص…أنا ياسلوى فلاح ابن فلاح أبا عن جد ..ومفهمش فى كلام المتثفقين الكبار اللى زيك…أنا ياسلوى باصحى يوماتى الفجريه ..أنزل الغيط بنفسى وأراعى قيراطين الارض اللى ورثتهم عن أبويا … اخترت الفلاحة طريقى ومهنتى بعد ما أخدت الشهادة ودوخت السبع دوخات على وظيفة … واللى عرفنى عليكم هو الواد ابن أبو خميس بتاع قهوة التنترتيت…فأوعجبت بيكم وحبيت انى أكون واحد منكم …ويبقى لى أصحاب فى كل بلد من بلاد العرب اللى لو دمى سال ح ينطق باساميها بلد بلد…. انا ياسلوى مش ابن مصر وبس ..لأ..انا ابن الأرض السايحة من المحيط للخليج ذى مابيقولو …أنا ياسلوى أخوكم وابنكم وخالكم وعمكم …نفسى تحسوا باللى انا حاسس بيه !!!! ونفسى تشوفوا معايا النور اللى طالع من جوى النفق الضلمة…نفسى تصبروا زى ما انا صبرت ألوف السنين…يوم حلو وألف يوم مر…عمرى ما فقدت ايمانى بربنا ..ولا اتهزيت …ولا ضاع منى الحلم والأمل فى بكرة اللى جاى…؟ احنا كا فحنا كتير ياسلوى …تعبنا وشقينا ..كلنا - احنا اهل بلاد العرب …غيرش اللى فى فلسطيت ياولداه تعبوا أكتر واللى فى العراق والصومال والسودان وليبيا سنين الحصار…ولبنان والكويت أيام الغزو….احنا كافحنا وشقينا ووقفنا قدام الظلم والاستعباد…وقرب الوقت اللى نرجع نرفع فيه راسنا تانى ….

أوعو تفتكروا ان أنا بتاع حكم ومواعظ…لأ أنا مش بتاع مواعظ…أنا بس عندى قلب يقدر يحس بكل نبض….وقلب بلادى كل بلادى راجع يضخ الدم تانى فى كل سهل ووادى..إياكم واليأس …اياكم وكتب الموتى ..إياكم …واقروا التاريخ من تانى.

سالااااااااااااام على الكلام الجامد دا ينفع مواااال

مدونتك رائعه

تحياتي لك

اه نسيت اقولك

انا لا سمح الله ما اتمسخر بيك بقولك حبيبي قدك .. ولو سمع انك بتقولي انك قد ابويا راح يزعل هو ، يعني اشرحلك ازاي .. اه تعرف الست ام سلامة لما خلفتك .. خلاص خلفت ام حبيبي ابنها .. يعني قد بعض .. يعني خلاص سلام

دايما مشرفنا ومنور دكانتنا المتواضعة دى ياحاج سليمان …ياطيب..والله أنا بحس ناحيتك بإحساس روحانى كده كبير بس مش عارف أعبر عنه…روح ربنا يزيدك من الايمان والتثبيت ياشيخ

بتقولى ايه يامريم …مش سامع ..!!!هو مين ده اللى عايزانى أضربه ف أربعة ….؟؟؟؟ معلش سيبى الموضوع ده دلوقتى لما أجيب السماعة….وايه أدبى دى ؟؟؟انتى لسه فى الثانويه العامة…والله باين عليكى …اللى يشوفك يقول دى ف أولى جامعة …

ههههههههههه

هاذي زيارتي التانيه ها اتحسبت

لا وكمان رقم 100 واو اذا لازملي هديه معتبرة

تحياتي منتظرة الهديه

الأخ الأكبر الأستاذ سلامة :

أولاً : أنا احترمك جدا جداً واعوذ بالله ان اسخر من احد فأنا اعلم دينى تمام العلم

ومدونتك وضعتها منذ اول زيارة لها فى قائمة مدوناتى المفضلة

ثانياً :

لقد تعرضت لهجوم قذر من مجهول على مدونتى يهددنى بنشر أشياء عنى لا أعلم ما هى تحديداً وساءت حالتى النفسية لأقصى درجة حتى أننى كنت ادعو الله فى صلاتى على هذا المجهول الذى لا يعلمه الا الله

الى ان فوجئت أيضاً بتعرض بعض الزملاء المدونين لنفس الحملة الشرسة ومنهم الأخت ريما الشيخ التى فعلوا معها الأعاجيب ويمكنك التأكد بنفسك

والذى خفف عنى احزانى هو وقوف كل زوارى وأصدقاء مدونتى بجانبى

فكانت تعليقاتهم ومساندتهم برداً وسلاماً على قلبى وأخرجتنى من محنتى

وأقسم بالله العظيم أننى لا أعرف هذه الرانيا التى كتبت هذا التعليق على مدونتك والتى هاجمتنى على مدونتنى وأغاظها أننى راقبت التعليقات فلجات لهذا الاسلوب الرخيص

وكيف تسمح يا رجل لواحدة مجهولة بأن تشهر بالناس هكذا على مدونتك ؟؟!!

وكيف تهزأ من خلق الله بقولك يا محطم قلوب العذارى وحكمت على شخصى فى ردك على هذه ” العذراء ” منحازاً لها بدون ان تسمعنى!!

لماذا فعلت ذلك وانا احترمك ولم يحدث منى أى اساءة لك أو لغيرك؟

ثم يا رجل انظر للتعليق المجهول - مع التجاوز عن الشتائم البذيئة التى لاتصدر الا عن لسان تعود عليها - ستجد ان هذه او هذا المجهول الذى تجرأ على الله و أقسم به قد كتب كلمة واحدة تبين أنه ليس بمصرى - رغم انه ذكر أنه من مصر - لقد كتب : ” وعمل عليه حضر “!

وليس هذا بخطأ أثناء الكتابة لأن حرف ض بعيد جداً عن حرف الظاء

ومن المعروف أن بعض العرب وليس المصريون - يكتبون ض بدلاً من ظ

أى انها تكذب أو انه يكذب رغم اجادة كثير من اخواننا العرب للهجة المصرية اى انها ليست من مصر

ولو كان اسمها رانيا فأرجو ان ترجع لآخر ادراجاتى ستجد من بين التعليقات واحدة قد وضعت اللينك الخاص بها وفيه اسم رانيا وقد تكون هى

ومن الواضح انها فى منتهى الذكاء لأنها تحاول الدخول الى مدونتى بأكثر من طريقة

وانا لا اخفى عليك أننى قد وصلنى الرسائل التى تحاول فعل اشياء لا يجوز ذكرها هنا - لأن اسلامنا يحض على الستر وصيانة الأعراض وفى كل الظروف

وهل تسمح لنفسك يا ابن السنطة يا أصيل بالوقوف الى جانب المجهول على حساب المعلوم بلا بينة

ألا يمكننى ان ادخل لمدونتك باسم مجهول وأفعل اكثر من ذلك ؟؟1

وأنظر لمن وقفت بجانبها

انها تحب عبر الانترنت لا .. وايه اننى وعدتها بالزواج كمان !!

وما دمت اننى محطم لقلوب العذارى فلما ألجأ لنشر صور ابنتى ؟؟

مادام الحب عبر الانترنت هو دينى وديدنى؟؟!!

قليل من التفكر قبل قذف أعراض الناس بالباطل يرحمكم الله

أنا أعرف أنك فى منتهى الذكاء وان سنك أقل بكثير من المعلوم عنك

وأعرف ان لديك الشجاعة الادبية لنشر تعليقى

وأنك لن تسمح لآى مجهول بالاساءة لآى من زوارك

وآخيراً

حسبنا الله ونعم الوكيل

وآخر دعوانا

أن الحمد لله رب العالمين

وانا تعاملت معها بالحذف على الفور

السلام عليكم

انت سيدتي أشعر من الشعراء

وأصغر من الشباب

لا يامريم ملكيش حق….حبيبك قدى …!!!!ياسنه سوخة ياولاد…وليه كده يامريم ..ده انتى يابنتى لسه غضه بضه…أنا لا مؤاخذه مابغلطش ف حد أنا بقول رأيى….يصح ياناس البنوته الرهيفة دى اللى اسمها مريم تاخد واحد من عمر سلامة …؟؟؟؟ياناس انصحوها…برضه أنا ما بغلطش ف حد أنا بقول رأيى…يابنتى أنا أنا ولادى خلصو الجامعة ..وانتى مش مكسوفة وانتى بتقولى لى ” حبيبى قدك” ياسنه سوخه ياولاد

ولسه ياما ح نشوف…بكرة نقعد حنب الحيطة ونسمع الزيطة…..

وهوأنا ح اعدى الموضوع ده على خير…عشان تحرمى تقولى لى تانى اضرب ف اربعة…

انا لا بتاع تاب توب ولا يلزمنى من الأساس.

محـــــــــمد اعمـــــــــــــــــــيري

ايه الكلمة الغريبة اللى انت كاتبها لى دى يامحمد…..؟؟؟مش عيب؟؟؟ ده انا عمك سلامة يامحمد…مش خواجة من الخواجات اللى انت تعرفهم.

أحمد يالبوسفى …أنا عديت مرحلة سيدتى دى من زمان …اصحى وفوق لنفسك أحسن قسما عظما ماليك عندى غير الفرفر..واسأل بقى يعنى ايه الفرفر.

على فكرة يا عم سلامة :

أنا منتظر ردك

وحزين جدا لما فعلته معى

وانا لعلمك بأكلم بنات كتير على الماسنجر بتاعى

ومعظمهم من المدونات

وممكن أقولك عليهم وروح اسألهم ان كنت فى يوم صدر منى اى اساءة لأى واحدة

انتبه

انت ممكن تنام وتشبع نوم

أما انا لا

لأنى مظلوم

وعين المظلوم لا تنام

لأنها تناجى الله

أن يكشف الكرب ويجازى على الظلم

انا رديت ياايهاب والرد بتاعى فوق منك….بس انت اللى مش واخد بالك ياظالمنى وظالم نفسك….وكمان بعت لك الرد على بيتك فى البوسطة …..وبعدين مين قال لك انى عايز أسأل حد …يابتاع البنات………….!!!!!!!!!!

عم سلامة .. اقولك حاجة .. هو بيقرا التعليقات بتاعتي اوعي تقول اي حاجةكدة ولاكدة عليه وبعدين بضة اي وكلام ايه انا قلتلك لسالي كم شهر واتعرف علي التلاتة والتلاتين دي

وبعدين اقولك ايه .. مش قصدي والله اضربهم في اربعة بس اعمل ايه ان كان الجني المصري رخيص كده هههههههههههههه

والست سلوى قلتلها انا بحب عم سلامة ..

بس عشان بحبها هي .. قلتلهاماشي خوذيه

بعد ما كنت بادخل ” اتفسح ” عندك

بقت مدونتك مؤلمة

وماليش نفس أكتب حاجة

ربنا يكتر حبايبك يا عم سلامة

سلامات ياسلامة سلامة من كفر سلامة..

متشكرين على السؤال ..نحن يخير طالما انتم بخير..

اللي محيرني ياعمنا هو إزاي نمشي فوق الشوك.. علشان نسمع مواويل وأغاني ويرتاح القلب.. هو مفيش راحة وانبساط من غير شوك وعذاب.. والا دي فلسفة كبيرة منفهمهاش..

على كل حال انا كل اللي يهمني هو بيت القصيد

اجري ناحية قلب الناس

خد بإيديهم

عمر إيديك ما ح تمسك خير

يوم ماتسيب الناس تنداس

حب الناس هو الراحة والسعادة الحقيقية.. زي ما انت شايف هنا عندك..

تبت بإيدك على حتة الماس.. وسيبك من حكاية الدولارات .. يعنى هم مش لا قيين مدونين غير احنا المصريين .. ده عندهم 50 مليون مدونة..

وكفاية انك تحتكم على الكفر كله.. كفر سلامة.. سنطة .. الدقهلية..

عزيزي سلامة

و الله يا سلامه يا الغالي يا أصيل ماحدش سأل عني غيرك …

كثر الله خيرك صاحب واجب ..وبن أصول … ما عندي كلام يوفي قدرك عندي …

عموما بالمناسبة عندي ادراج التقاء الفصول حاجه زي كدا تحكي على البرد و الدفا

يا ريت أشوفك على صفحتي منورها كعادتك يا أصيل

تحياتي

ياإيهاب أنا بحبك …وعارف ان معدنك طيب…بس انت اللى محبكه شويه… يابنى تحب أقولك انت مين وأصلك وفصلك الكريم …

وبعدين انت كنت واخدنى فسحه والا ايه …؟؟؟؟هو انت فاكرنى جنينة الحوانات؟؟؟ عيب ياايهاب ..دى الملافظ سعد…

جرى لك ايه ياسامية؟؟؟؟ايه شقلب حال مدونتك كده وخلاكى تمنعينا من الكتابه فيها؟؟؟هو احنا كنا عملنا لك حاجة ؟؟؟والا كنا عملنا لك حاجة ؟؟؟ ياسامية انتى منعتى ليه التعليقات …؟ كل ما ادخل عندك واجى أدور على خانة التعليقات ملقيهاش …!!!!! هوالبيه منعك والا ايه…ما هو أنا عارفهم …دى حتى ناصرة بطلت تكتب أو تزورنا بسبب البيه خطيبها ده بتاع نادى الفيصلى …أصل ده مجنون كورة …وأنا قلت لها تاخد موقف من الأول وتقول له ياأنا يا الكورة …بس هى خايفة …معندهاش الشجاعة الكافية.

وبعدين الشوك ده ياسامية خبر للسطر التانى …والا انتى متعرفيش ان فيه حاجة اسمها المبتدأو الخبر فى العربى… فى النحوى يعنى .

يعنى هو انتى ياإشراف تغيبى تغيبى وجايه تاكلى عقلى بكلمتين…؟؟؟؟ ماهو لازم طبعا أسأل …وهواحنا عندنا كام اشراف من شيراز؟؟؟

فاعل خير …

الى كل المدونين والقراء صوفيا ميران مسيحية الاصل وهي تتخفى وراء قناع الاسلام لتخدع الجميع بما فيهم الفاضل عادل امين. اتمنى اخد الحيطة من الجميع ، اعلم ان كثير من منكم لن يصدق كلامي خصوصا الغالي عادل امين، لكن ادخلوا اقروا تعليقاتها على المقالات التي تتحدث عن الدين المسيحي وشوفوا ردودها العنيفة رغم انها حويطة جدا حتى لا يلاحظ القارئ انتمائها ويكشف هويتها. ولدينا من الادلة ما يكفي على كلامي. كل ما اتمناه ان المدونة لا تجعل باب التعليقات رهن الانتظار من طرف اصحاب المدونة بهدف انتقاء الجيد منها ورمي السيء منها او على الاقل من هي ليست في صالح صوفيا بالتحديد. والله شاهد على ما اقوله

فالمرجو اخد الحيطة فديننا لا يحتاج الى جواسيس من اي نوعكان خصوصا في هده الظروف التي نعيشها حاليا

المرجو تبليغ هده الرسالة

السلام عليكم

سيد سلامة انا والله مش عاوزة اوقع بينك وبين المسمى ايهاب الحمامصي . وكل الكلام الي بيقوله في مدونتك ملهش اي اساس من الصحة وحكاية .عشان كده يا ريت تحاول تقنعه انه يشيل حظر الرسائل من مدونته ويخلي كل الناس تقرى رسايلي الي هتكون مدعمة بشواهد وادلة من المسنجر والياهو بالصورة والكمرة. ولو انبث اني كادبة فاقسم لك انك لن تشوف اسمي يتردد في النت بعد كده.

شكرا جدا لانك انت الوحيد الي انا شيفاه لسه يملك شيئا من المروءة

واسفة مرة ثانية

ياسنه سوخه ياسلامه؟؟؟؟ هو ايه اللى بيحصل ده …ما كفياكى بقى يارانيا …متستسغليش الحرية والدماقراطيه اللى عندى فى انك تزودى فى الموضوع …احنا لازم ولا بد يكون عندنا حسن تقدير للمواقف…ومانتسرعش فى الكلام ونقول اى حاجة وخلاص …على رأى نسرين زهرة النسرين …احنا عالم افتراضى ” حلوة عالم افتراضى دى …ما هى بتاعة نسرين …مش بتاعتى ” وانا هنا أحب أضيف من فوق هذا المنبر كلمه تانية مع كلمة نسرين …وهى ان احنا عالم افتراضى يقوم على الشفافية والمصارحة والصدق… يعنى احنا مش مجموعة غشاشين قاعدين نسرح ببعض وخلاص …لأ وألف لأ….لازم نعرف احنا بنقول ايه وعايزين ايه؟؟؟مش زى الواد ابن عزيزة الهبلة فى فيلم الأخوة الأعداء.!!!!!!!!!!!!!!!!!!!!!!!

ياااااااااااااااااااااااه على كلامك الجميل

أسجل إعجابى الشديد بصورتك على المدونه بابتسامتك الدافئة

كل عام و أنت بألف خير

عمي سلامة: أنا أول مرةأزور مدونتك .. أحب جدا الشعر العامي والشعبي

أحيانا نجد فيه معاني لا يمكن أن يعبرعنها أعتى شعراء الفصحى…

أسجل إعجابي بابداعاتك ..وأحييك تحية خالصة من صحراء الجزائر..

سلامي..

والله المجاهيل دول اللى بيكتبو من غير لا اسم ولا عنوان ..أنا بصراحة بخاف منهم ….وبقولهم يقصروا معايا فى الكلام أحسن ما أكشفهم على الملأ….وأنا أقدر أجيب أساميهم الحقيقية وعناوينهم ….وبلاش يفتكروا ان سلامة عبيط …لأ…وألف لأ…وأنا عارف أنا بقول ايه….وقد أذعر من من أعزر………..

زبيدة …نورتى يازبيدة …..بيتك ومطرحك يابنتى …ده أنا اتشرفت بيكى النهاردة.

وانا متشكر يازبيدة على كلامك الحلو ده فى حقى …..الا قولى لى يازبيدة …انتى ايه اللى مقعدك فى الصحرا فى الجزائر لوحدك ؟؟؟هى الجزائر كلها صحرا؟؟ معلش ماتأخذنيش أنا معلوماتى على قدى ..وانتى بتقولى لى أحييك من صحراء الجزائر ….وأنا اعرف ان الجزائر بلد الحضارة و البندر …والا هى بقت كلها صحرا؟؟؟؟والنبى يابنتى ما تفهمينى غلط … انتى منين فى الصحرا؟؟.

صباحك ورد وعنبر

انا رجعت تاني لاني مكنتش معلقة الك ع اللادراج ……….اتحملني

بصراحة هيا كدة الحياة بالاخر كلو بيطلع حلم وخيال ……لكن ما علينا بالعزيمة والاصرار راح نحقق كل ما نتمناة

دمت بخير ياعم سلامة

مع تحياتي,,,

على العموم يا حج سلامة ربنا يسامح المفتري وربنا بيدي كل واحد على قد نواياه . وخلاص سيبك من ايهاب الحمامصي مش عاوزة الامور تتوتر بينكم بجد. ربنا اعلى واعلم بالقلوب.مرسي جدا على تفهمك واتمنى لك المزيد من الاقبال ولو اني شايفة انك واخد كل زباين المدونات وحاططهم في عبك.

على فكرة انت فلاح بس فلاح فنان مش فلاح منظرة. وياله شد حيلك كده ونزل لنا مقال حلو عشان وياريت يكون بعيد عن تعدد الزوجات هههههههههههههههههههههه.

الله عليك

أخي الغالي

سلامه

رائعه فعلا قلب جميل

يحب كل من حوله

وقلم رائع ينثر الحب

في القلوب

دمت بكل ود

ودام أبداعك

لقد أسعدني التواجد هنا

تحياتي لك

إيه ده يا راجل ؟

أنت هتقضيها كده ؟

تستقبل ناس و تودع ناس ؟

ده باين كده و الله أعلم إن القعدة حلوت …

قوم بقى … شد حيلك و اطلع لن بحاجة جديدة …

ايه يافؤاد ؟؟؟؟فيه ايه؟؟؟ و عام تغيير ايه بالظبط ؟ ما توضح ياأخى….انا عن نفسى باستحمى وأغير هدومى مرتين فى الاسبوع …والواد مسعد قريبى اللى فى البندر ،جسمه باش من كتر ما بيستحمى ويغير هدومه يوميا …

خلاص يارانيا …فضيها سيرة بقى …وخليكى حلوة كده….وخفى تعومى..!!!

متشكرين ياعماد …كتر خيرك …انت باين عليك محترم …وأنا بحب الناس اللى زيك كده.

شرفتنى ياعمده

مش أوى كده ياعم نزار …بلاش تنفخ فيل أكتر من اللزوم ..بعين أفرقع فى وشك.

زيارتك شرف ليا

ايه ده ايه ده يامريم ؟ جرى لك ايه ؟ مالك انتى ومال كلام الرجاله …؟؟؟ وبعدين نقعد احنا بقى على جنب وتعالى انتى حلى المشاكل….وبعدين سين ايه وصاد ايه …هو اللى عم يتغمز ويلمز …وانا برد عيه من كلامه…ده دى ………..واسحبى كلامك يامريم …انا مش بتاع الكلام ده ..أنا راجل دوغرى وما يعجبنيش الحال المايل …واذا كان على ناعسه ،أنا مابتهددش يامريم…ناعسه راقده جنبى آهى وبتقرا كلامك وبتتضحك عليكى ..!!!!أومال واثقه من راجلها …وبعدين يامريم أنا مش عارف امتى بس ح تحترمى فرق السن اللى بناتنا .. .يامرمر حتى احترمينى زى ما بتحترمى حبيبك اياه..هو مش سنى من سنه برضهز

أما بخصوص المجاهيل ياست البنات ..فأنا أقدر أعرفهم كده بالفكاكه..والمفهوميه …وليا طريقتى …يابتاعة عادل ادهم انتى…

صحراء ليبيا …؟؟؟!!!!وهو انتى سيبتى بنغازى ورحتى الصحرا طب خدينى معاكى يامرمر الله يخليكى …وأوعدك انى أخدك معايا الاهرامات قريب …أهوامسكك انتى فى ايدى اليمين وناعسه فى ايدى الشمال …وح تبقى فسحة العمر.

يمكن اول مره ادخل مدونتك اخي سلامه

ولكن اقسم لك

البساطه والطيبه التي فقدناها واصبحت عمله نادره هذه الابام

وجدتها بين ثنايا مدونتك

اهلا بك

بين القلوب الطيبه

التي قل وجودها بزمننا والبساطه

في الحديث والتعامل

ودمت اخي العزيز بود

مجاديفك ايه اللى انا كسرتها ياشيخ محمد ؟؟؟ده انت كسرت دماغى من جوى …خليتها فرافيت….!!!وانا قلت فى عقل بالى مش ح ينفع معاك غير حكاية أمنا الغوله … والحمد لله أهى جابت معاك نتيجة.

روحى ربنا يكرمك ويعمر بيتك يالين يابنت عبد الله…ياعاقلة ياكاملة ….والله انتى شرفتينا ونورتينا …وياريت تكررى الزيارة علشان أنا حبيتك وحبيت كلامك الطيب …وناويت أزورك قريب…

على فكرة يابن السنطة 00 أنا ابن ميت هاشم 00 سمنود 00 غربية 00

عشان تخلي بالك مني وتغششني 00 ماذا وإلا ؟؟؟

ربنا مايحرمنا منك أبدا 00

شكرا ياعم طول عمرك تمر ع الجميع وتعلق للجميع ادامك الله وعافاك

دمت لنا جميعا

الفلاح البسيط/ سلامة سلامة

بعد التحية ،،،،،،،،

دخلت عندى فلقيت الخط منمنم فقلت لى رايح أجيب مكريسكوب ومن يومها مش شايفك مش معقول البتاع ده اللى انت رايح تجيبه يكونوا غلوه وشاحح فى السوق ،،، لعل المانع خير ،، عموما يا سيدنا أنا عملت بنصيحتك وكبرت الخط (( زيارتك تسرنا)) وفى انتظار تعليقاتك اللى زى الشربات

أول مرة تشجع المشروع يابن بلدي ياغالي 00 قول لي ياعم سلامة : اللحمة عندكم بكام

عايز اتنين كيلو بتلو 00 وكيلو عظم عشان أرم عظمي 00 ونصف كيلو منبار 00 دي أمنيتي في العام الجديد والحدق يفهم 00 دمت طيبا 00 ومتنساش بعشرة شاغ خش 00

وفشرها كويش

الا قولى لى يامريم ..هو انتى كنت شغاله قبل كده فى المباحث؟؟؟ وبعدين اشفى ياستى غليلك فيا زى ما انتى عايزة انا برضه ابن أصول وعمر لسانى ما حينقط غير السكر ..وانا حذرتك من الشيخ محمد وخلصت ضميرى وانتى بعدكده حرة …ومن هنا ورايح معدش ليكى صالح بناعسه …سيبى ناعسه فى حالها ناعسه …

أيوه ياستى حاطط ابوسلامه علشان محدش يقول لى ياأختى ….ارتاحتى بقى …

والله يابت يامريم لولا غلاوتك عندى ماكنت اخدت وعطيت معاكى فى الكلام كده …

انا اغير بلون وشكل المدونه لراحة عيونكم ولكم حتى ترتاحوا فيها وتستمتعوا

اشكر اهتمامك يااحلى عم وتصبح على الف خير واحلام سعيده

حاضر ياستاذ فضل …انا جايلك حالا …طالما انت كبرت الخط …وبلاها التكروسكوب…

خلاص يازمرد ..طالما لراحة عيونا يبقى انتى براءة المرة دى….

وانتى من اهل الخير ياروح عمو سلامه

عام هجري جديد ….. ويارب علينا وعلي أمتنا سعيد ….

وعام كله حرية علي المدونين والتدوين …

ولن ننسي زملائنا الأحباب المعتقلين ….

الدكتور أحمد محسن من مصر

والأستاذ فؤاد الفرحان من السعودية

ومدونة يلانفضحهم المجمدة لمواقفها من التعذيب ….

قوتنا في وحدتنا ….

م/هيثم أبوخليل

عضو الهيئة الإدارية لإتحاد المدونين العرب

حاضر ياموجه يامتوسطه….

حاضر يامرمر ..وهوكذلك…عموما انا عملت اللى عليا ..وقدمت النصيحه …و على رأى المثل ربنا يهنى سعيد بسعيده …ياست البنات ياسفيرة … ياما انا مستخسرك فيه….بس أهو ..خلاص اتكتمت.

و الله يا عم الحاج سلامة

الواحد كان لازم يعملوا شويتين شاي و هوا بيقرا الكلمتين الجامدين دول

و منين نجيب ناس لمعنات الكلاة يتلوه

انت لساك شفت حاجه …اصبر بس عليا …ان ما وريتك ياشيخ رمضان

متشكر لذوقك العالى ياعبد القادر يامحترم

الاخ سلامه انته ابو الزوق

واشكرك على تعليقك الاخير على آخر ادراج

بس القصيدة غناها محمد عبد الوهاب وبامكانك ان تستمتع بصوته العذب من خلال المدونه وهو يشدو

احى جاوز الظالمون المدى