ولماذا تريد أيها العزيز سلامة أن تدخل الهلع على من تناول طعامه ونام آمنــًا

أمن أخلاق المسلم المؤمن المحسن أن يكون مصدر هزات قلب إنسان مطمئن

ثم وأنت تقول إن لك أسرارًا في عدد حبات الرمان

ويضايقك الاحتفاظ بها

ألله يا أخي

لم لا تقوم بتوزيعها على رؤوس الأشهاد حبة حبة

فإن بقي لك ما تعتقد أنه يكفيك

فنحن نسامحك ونوافقك في الاحتفاظ به

.

ثم وأنت تبحث عن مرايا مجلوة

فلكأني بك تبحث عن مرآة الغريبة

تلك في زماننا أيها العزيز كحليب النوق العصافير

نادرة الوجود

فاكتف بما رزقت

واحمد الله وأغمض العين

يرتح لك الخاطر

/

ولكنني أراك لست من النوع الذي يرتاح للراحة

فما العمل في مثل هذه الحال

/

رائع كالعهد بك أيها العزيز

وقد فهمت عنك الآن

بفضل تلك العصابة التي تبحث عنها

أي غد مشرق ذاك الذي تريده لنا ثم لنفسك

/

تقبل أسمى آيات تحياتي واحترامي وتقديري

وكل سنة هجرية وأنت ومن يليك ومصر الشماء بألف خير وخير

**

سلامه حابه اقولك

انك حاتشؤف قريب عند السلطان

عايزني اجيبلك ايه بالظبط عيش وحلاوة هههه

كلماتك رائعه سلامه

بالتوفيق

إلي الغالي سلامة

بأرق وأجمل باقات الورد والفل والمحبة أهنئك ببداية العام الهجري الجديد أعاده الله علينا جميعا بالخير واليمن والبركات وتحقيق الأمال وعودة الأوطان إلي وضعها الطبيعي

ودعواتكم معي بانصلاح الأحوال وتحقيق الآمال

كما أرجو مودتكم

تحياتي واحتراماتي لك ولإدراجك الجميل المصري الأصيل

ابن بلدي سلامة

عايز مرايا توضح كان ما كان

وتفضح ما بي قبل ما أظلم أي انسان

وعايز لسان حق يعدد عيوبي قبل ما يرمي أي حد كان

وعايز أصرخ وقول يا ناس هو امتى الانسان يسكت عن ظلم أخوه الانسان

امتى ألاقي حكياتي تشبه ملامحي

وامتى أقول لفلان ماشي مأنت برضه دمي ولحمي

امتى اتعلم ان الدين معاملة

وان الكلمة طيبة تشق في البحر طريق

امتى يا سلامة نرجع مثل لو رجعت يعيش معاها الكل سعيد

وامتى تجيب لي مرايا قبل ماحدف صاحبي بحجر يترد علي حتى وان كنت بعيد

وامتى أحرر النفس من الضغينة وألاقي صفاء القلب ينطر بهجته زي ليلة عيد؟

امتى سا سلامة قول لي نحاسب نفسنا قبل مانحمي سكاكينا ونشرح الجسم

ونعيش على أكل لحم الغير؟ امتى قول لي يا سلامة ؟ لما تعرف خلينا نفرح

بمجي العيد…………….

روعة يا سلامة متى نشوف حقيقتنا ونحاسب ذواتنا قبل ان نخضب بالدنس غيرنا

وسلامات يابن بلدي

عاوز أقول اللي ف قلبي

لكن قلبي زى الرمان

قول يا عم سلامة ,.. اوعي تخاف من السلطان

ده هو .. يمكن ايكون بيخاف من الذبان

سيبك من حكاية انه سلطان .. وان هو مالك الكون والصولجان

هو اجبن واحد .. حتي يخاف انو ينام

بص وحتعرف ازاي بيخاف

بيخاف حتى من ابنو كمان

شوف كم واحد قتل ابنو

ولا الابن قتل ابوه كمان

مش عايزين غير الكرسي

وكل شي عشانو هان

اي مسكين وايه غلبان

ما بيعرفوش معني جعان

اوعي تخاف من السلطان

دا هو بيخاف من الذبان .. والانسان

بس عارف احنا فكرين انو شجاع

وباقين زي ما بتقول .. زي النعام

انتى بتخوفينى يانسرين ؟؟؟ وهوانتى شايفة فى اللى انا قلته ده حاجة تخوف؟؟؟؟

والا انتى ح تعملى زى الواد ابن أخويا مسعد اللى ف البندر اللى ليلاتى يقول لى …انت مش ح تجيبها البر ياسلامه الا لما تروح زيارة فى لاظوغلى ؟؟قلت له وايه لاظوغلى دى يامسعد يابن أخويا ؟؟؟ضحك وقال …اسأل وانت تعرف . قلت له يعنى حاجة حلوة والا وحشه ؟ قال وهو بيتمألس عليا … أبدا بس عينيك ح تبرق من كتر الزغلله والطرقعه اللى ما انتش عارف بتنزل عليك منين..!!! قفلت ف وشه السكه ..ما انا عارفه واد خرع.

وبعدين أسد ملك ايه وحمار ملك ايه ………ما تبطلى الغلبه بتاعتك دى ياناصحه ..وتتكلمى دوغرى …وهوفيه أحسن ولا أجمل من الدوغرى يابتاعة عاقد الحاجبين انتى .!!! ومنين زعلانه وخايفه عليا من الخنقه وانتى كل كلامك يخنق..ياواعرة …ياحويطه.

ايه يادولت ..جرى لك ايه .. ؟؟أومال عايزانى أمسك له ايه ؟؟؟مدفع رشاش …

ربنا يخليكى يازمرد ياأميرة يابنت الأومره…وتنجحى فى الامتحان وتجيبى أعلى الدرجات ..علشان لو نجحتى بتفوق أنا ح أعمل لك مفاجأة.

ياحلاو ة فلفستك ياهمس البحر…ياشجاعة ياجامدة…..الا هو انتى جبتى التحاليل الحلوة دى منين ….باين عليكى من سكان بحرى …أيووووووووووووووه …من بحرى وبنحبوه…

عموما انا متشكر ليكى خالص ياهمس …ولما ييجى العيد ح ابقى أقولك…العيد قريب ياهمس ….وفرجه قرييييييييييييييييييييييييييييييييييييب

هو أنت بس اللي عايز تقول و وعايز عصاية…ناس كتير…..

تحيتي

أيوه عاجبنى كده يامناهل العلم والأدب والمعرفه…أهو كده أرجع وأقول …مناهل رجعت تانى ياأهل البلد…..مناهل اللى كلنا عارفينها …مش مناهل بتاعة العيش والحلاوة ..!

اللى كانت بتفول على عم سلامه.

نسيت اقولك .. انتهي مفعول حبوب الشجاعة ارتحت

وفرحان بال…………….يا خي

الله الله

عم سلامة والله انت شجاع جدااااااا

وكلامك رائع جداااااااااا

الف سلامة عليك من الخنقة

وسلامتك من ملك الغالية يارب

بس خلي بالك يكون حد واقف وراك وياخد العصاية

ساعتها تبقة كارثة

الف سلامة عليك

وبجد انت شجاع جدا

الله يوفقك يارب

انتهى المفعول ازاى يامريم ؟؟؟حد زعلك …؟ اللى يزعلك انا وأهل الكفر كلاتنا مستعدين نقطع رقبته………….بس يكون حاجه كده على مستوانا ….مايكونش حاجة فى العلالى يعنى ………..آه …برضه الميه ما تجريش فى العالى يامريم …أصل ضغط الميه ضعيف…

تمنيت لو أكتب بلهجتك المحببة إلى القلب..ولكنني أخاف أن لا أتقنها فأسيئ إليها.. فاعذرني

أخي سلامة :

هذا من أجمل ما قرأت لك

إنها زفرة مكظوم

تنطق باسم كل أولئك الذين

خنقهم ( اللي اتعشى ونام)

دمت بخير

ياسلام عليكى وعلى نصاحتك يابنت يازين …والله وعرفتى تردى على حكاية الصورة دى …لا براوة عليكى …. أفحمتينى ..خليتى وشى زى الفحمه…!!!! خلاص معدتش أسألك عن الصورة دى تانى …آخر مرة .

ومتشكر يازين …ربنا مايجيب خنقه لحد تانى .

ابن البلد / سلامه

السلام عليكم ورحمة الله وبركاته

(( عاوز اوصللك كلمة

من قلب أخوك الغلبان

الوقت مش وقت عصاية

تترمى بعدها فى اللومان

ماتيجى أنا وإنت وهو

نلم م القهوة الشبان

ونصحى عبده واخوه فتحى

وبقية العيلة والجيران

ونقولهم اصحواكفاية

والفايق يصحى النعسان

ونطلبوا حقوقنا الضايعة

وكفاية ظلم كفاية هوان ))

ايه الحلاوة دى ياعم فضل …ده انت منافس شرز…وعنيف كمان ….كلامك حلو والله يافضل المولى ….بس لو تضيف عليه سطر كمان وتقول فيه…

أما سلامه فسيبوه يرتاح

ده مش حمل ايدين السجان

انت عاوز تولعها ياعم فضل ..تلم شبان ايه ..وتطالب بحقوق ايه….؟؟انى رايح أنام

عاوز اقولك على حاجة :
يا خوفى لتطلع ندمان
ملك الغابة اللى فى بالك
غدار قرارى مالهوش امان
اى حمار ان قالو عليك
نقول سلامة
فى خبر كان
سيبه نايم احسن لك
وتكون نهايته
عضة تعبان

شوف .. انا عصبية وحمقية.. حفوتك مرة واثنين وتلاتة .. وبعدين .. احترس بقي .. بحذرك للمرة المليون (_ ماااااااااااااااااااااااااااالكش دعووووووووووووووووة بحبيبي ……..فاهم ))

ومش حقولك علي اسمو وموت بغيظك ..

اول من اسمو هو سلامة .. ماشي

يالله .. بكرة راح اسالك علي الجني المصري غلي ولا لسة .. والكلام اللي كتبتوا مش شعر ده هو كده جاء كده ، من قلبي يعني ـ الا قولي .. ازاي قلبك .. ما عييش .

صباحك ورد وعنبر

انت بتقول فيها …………. ما انا اول وحدة بدي امسك عصاية واضرب فيها راس السلطان

بس بعدين ما بعرف شو بدو يصير فينا

لكن ربك بهونها ………..قول يارب

دمت بخير

مع تحياتي,,,

طيب يا سلامة …بطلع اشاعات وبتطعني في ظهري …انا برضوا قفلت الصفحة في وشك وانا فتحالك داري ومملكتي ومعتبرة البيت بيتك …

انا بصراحة زعلت …يعني انا خايفة تقولي اشربي من البحر ..ومش حرضى بأقل من ترضية ومعاها زيارة فطير مشلتت وعسل نحل وحمام زغاليل بالفريك يممممممم

ومش حخش دارك تاني ولا حتى دوارك الا لما تصالحني …

ماهو انت ياعم سلامه لازم تتخنق ..

الجلابية اللي وزنها 100 كيلو دي …

والشال والطاقيه … يابووووووووووي

.

.

بس إنت بجد بتقول كلام حكم …

تسلم إيدك عمووو

والنبي يا عم سلامة في حد يعلق عندك ادي .. دانا معلقة يجي سبعة تعليقات .. وانا بقول هو دائما في الصحفة الاولي من مكتوب ليه واكثر تعليقات ليه .. بسببي ماشي

عايزة فطير زي زهرة النسرين .. وحبعتلك صورة .. بس اوعي تعيط راح ابعثها علي ايميلك لاني ما بحبش افضح حد انأ ؟

كل عام و انتم بخير صحه و سعاده

و لندعو الله جميعا ان يكون هذا العام

فيه من الخير الكثير و ان يمنحنا الله

فيه القدره علي حسن عبادته و طاعته

و ان يرزقنا رزقاً حلالً طيباً

الاخوه الاعزاء كل عام و انتم بخير

أعمال لذيذه ايه ياشيخ محمد ؟؟؟هو انت تقلبها حريقه بينى وبين الأميرة نسرين جارتى لزم …وجاى تضحك عليا بكلمتين ؟؟؟هى دى الأصول ياشيخ محمد ….؟؟؟؟ وهو أنا مش مأكد عليك ان الكلام يبقى بيناتنا سر وقلت لى فى بير؟؟؟؟

ايه حكاية سلامه ياسلامه دى اللى كل ما تدخلى عندى تزفينى بيها ياست منى الهادى ؟؟؟؟؟وهوأنا بقيت فاتح تخت عربى والا ايه يامنى ..؟؟؟؟وفرخة ايه اللى ح أكلها للسلطان ؟؟؟شوفى بقى يابنت الناس ..أنا مابخفش من أبو زعبل بتاعك ده …وأنا ما بأكلش حد فراخ …. ولو جدعه تعالى أكليه انتى بنفسك يافكيكه ؟

ياسلام على شجاعتك …وجراءتك يارباب …. بقى عايزه تضربى راسه بالعصايه وكما ن مش عارفه شو يصير فينا ؟؟؟؟؟ ح يصير فينا أبو زعبل يارباب …عارفه يعنى ايه أبو زعبل ؟؟؟؟؟ده سجن نجمه واحده …أصل السجون فى مصر أنواع زى الفنادق كده.

منك لله ياشيخ محمد يارمضان يافتان …عاجبك كده …أديك زعلت منى زهرة النسرين..وأنا مقدرش على زعلها ….دى لو مدت ايدها من بنغازى ح تمسك بتلابيبى …ما احنا جيران بلدهم لازقه ف بلدنا ..وكل اللى بنينا حتة بوابه هنا وبوابه هناك…..سامحينى يانسرين …مكنتش أقصد أزعلك ….بس هو اللى استفزنى ….وان شالله أشرب أنا من البحر ..إنما انتى تشربى من النيل أو ميية سيوة الحلوة …وأنا عايز أشتيكى لك يانسرين من الشيخ محمد ….يرضيكى يتمهزأ بيا ويقول لى ..هو كيلو اللحمه وصل كام عندكم فى مصر …أصلى عاوز أرم عضمى ؟؟؟عضم ايه اللى عاوز يرمه …وهواحنا عارفين نرمه فى مصر لما يرمه هو ؟؟؟

وهو انتى خليتى فيها عمو يامريومه يابتاعة تفسير الاحلام انتى ….جلابية ايه اللى بتعيبى عليها دى ….؟؟؟؟ انا جلابيتى توزن 100 كيلو ….!!!!!ا ؟؟؟؟؟؟؟؟؟؟ده صوف كشمير محترم ..وما فى حد فى بلدنا ولا البلاد اللى حوالين منها يعرف يلبس جلابيه زى جلابيتى …جرى لك ايه يامريومه ..ايه لزمتها النأوزه على عم سلامه … بكره الحاج سيد بتاع الاحلام يخلص ذنبى منك ….ياللى مشروعك فشل.

انتى بس تؤمرينى و أنا أنفذ ياست البنات ياسفيرتنا فى الجماهيريه ….وتحبى الفطيرة مشلتته والا عاديه ….أصل ح ابعت لنسرين فطيرة مشلتته …

وبعدين ياستى ماهو انتى السبب فى شهرة عم سلامه ما قلناش حاجه … بس انا مش فاهم ايه موضوع الصفحه الأولى ده….ومين مكتوب ده …انتى ح تعملى زى سلوى ؟؟

وبعدين أوعدك لو بعتى الصورة ح ابعت لك مع الفطير عسل نحل من المنحل حدانا يستاهل بقك . وشوية جبنه قديمه كمان علشان تحدقى…قلتى ايه ياسفيرتنا يامشرفانا ورافعه راسنا.

وانت بالصحه والسلامه ياعم محمد الناصرى …أعاده عليك وعلى الأمه الاسلاميه بالخير واليمن والبركات.

والله ما انا عارف أقول لك ايه يااخت خديجه نواف …بس أنا لو أقدر أساعد ..قولى لى ايه المطلوب باختصار ..وانا ح انفذ فورا.

فضول….الصورة يلي فوق صورتك يا سلامة….؟!!

اذا كانت صورتك تجنن…………على راي عادل امام..لابس تريكواز…..

السلام علكم

اخشى ياعم سلامه اننا تحولنا الى نعام من كثره ما دفنا رؤوسنا داخل الرمال

اسال الله ان يبقى احباؤك دوما برفقتك لتواصل العطاء

اسال الله ان تكون سنه هجريه جيده تحمل لك في طياتها

كل الخير والصحه والسعاده

سلام

سلامتك من الخنقة يا عم سلامة …

احنا عايزين حزمة عصيان مش عصاية واحده عشان الاسد اتباعه كتروا أوى ..

الاسد و أتباعه مش سايبين لنا فتفوتة نتقوت بيها و هم واكلين و نايمين من التخمة ..

كل سنة و انت طيب يا عم سلامه يا طيب .. يا عبقرى ..

لعل السنة الهجرية الجديدة تكون افضل ان شاء الله

ودمت بالف خير

ناديه

الاخ الفاضل

سلامة العمدة

او العمدة سلامة

كل سنة وانت طيب عام هجرى جديد

وان شاء الله تكون حققت كل امانيك

مرحبااااااااااا

يا الله ما كل هذا الحزن؟؟؟؟؟؟؟

وانا كمان بدي قلك الي بقلبي

انت عمو سلامة الي بتبتسم الدنيا لابتسامته

وبتشرق الشمس لاشراقة وجهه والطيور تغرد كلماته

يا ريت فيني ريحك أو أخفف من آلامك

بااااااااااااه ما أروع كلماتك وما أعذب أحساسك

ولازم تعرف انك غالي على الجميع وما بنحب تتألم

وانا بقول أكيد سلامة مش هيتخنق تاني

ابنتك ……..هبه

لأ يانزار 16 سنه كتير ولازما ولا بد وحتما تقول لى ياعمو سلامه …. ده دى

بس تعرف يانزار ان انت واد عاقل وحكيم …وقلت كلمه كبيره أوى …..ان لو انت معاك العصايا كنت بقيت انت السلطان ….ودى حكمه بشريه واقعية يعنى ….انما الحكمه الالهيه تقول لك ان فيه ناس كتير مسكوا العصايا وبقو سلاطين …بس عمرهم ما ناموا وسابونا جعانين…الا اذا كان الجوع على الكل والشبع على الكل …وبرضه المسأله ماهياش مسألة أكل وبس انما ده كان مجرد مثل وبس.

انا معجب بيك أوى يانزار يابنى

سولم ..!!!!!!!!!!!!!!!! ايه سولم دى ياسى اسامه ….احنا فينا من قلة القيمه ….يابتاع الكآبه…!!!! اسمى عم سلامه . وكمان ماتنادينيش سلامه حاف تقول عم سلامه ..ده يعنى بعد اذنك …راعى سنى أومال.

مين إشراف ..؟؟؟؟؟؟؟؟أنا مش مصدق نفسى …وشك ده والا القمر….؟؟؟؟…عموما أنا مسامح ….وهو يعنى قلب سلامه ممكن يعرف غير التسامح ياولاد….

بعد الشر عليكى من الخنقه ياإشراف ….ان شاالله عدوينك …وايه العام السعيد اللى كله…كله…. اسمه ايه ده كوكسوجين….ده أكل ده ياإشراف ….؟؟؟ ما علينا هلت الأنوار وكل سنه وانتى طيبه…..وح احاول أمشى جنب الحيط ولو ان الكدب خيبه.

خلاص يادولت هانم أنا مش زعلان …اعتزارك مقبول …بس لازما ولا بد تغيرى العروسه الحلاوة اللى عندك دى ..

ريما …مرحب بيكى ياريما ياأميرة الأحاسيس والمشاعر الطيبه… ياللى كلامك عامل زى النسمه ..يخدر الأعصاب….

متشكرين ليكى ياريما وربنا يبعد عننا الخنقه جميعا …قادر ياكريم .

ربنا يحميكى ياأمنيه ويجلى عنك الحزن ياطيبه ….وكل سنه وانتى بخير والأسرة جميعا.

له له يا عمو سلامة….وصلتني السما وبعدين خبطتني بالارض…

انا لا بتريق ولا حاجة…بس وحياتك الصورة عجباني اوي…

حقك علي يا عمو ….

اعزائي واحبتي في دنيا التدوين من قادة الراي وصناع المستقبل

وكل عام وأنتم بخير..

بمناسبة عام الهجري الجديد 1429 نتقدم للمسلمين قاطبة في كل أنحاء العالم بخالص التهاني والتبريكات، آملين أن تكون أيامكم أفراحا وبهجة. وأن يعيده على الأمتين العربية والإسلامية، وقد تحرر الصومال الحبيب والعراق العظيم من ربقة الإحتلال الأمريكي البغيض، وعاد ليلعب الدور المنوط به من أجل رفعة الأمة العربية وتقدمها، وأن تكون آمال الشعب الفلسطيني، ونضالاته قد تكللت بالنصر المؤزر على الأعداء الصهاينة، فتعود فلسطين حرة عربية من النهر إلى البحر. كما نتضرع إلى الله العلي القدير أن يوفق المناضلين والمصلحين والمكافحين من أجل غد حر أفضل، تسود فيه قيم الديمقراطية والتعددية، واحترام حقوق الإنسان في تقرير مصائره وأقداره.

طيب أغيرها بإيه …. تصور أنت الوحيد اللى معلق على الصورة هكذا …. كل سنه و أنت طيب

اللهم اطوي صحائفنـــا ( لهذا العام ) بيضــاء نقيـة ، مغفور ذنبنــا ، مســتور عيبنــا ،

متجـاوز عنــا زلاتنــا ،

ختــم الله عامكـــم بالإيمـــان ، وحفكــــم بعيــن لا تنـــام ، ,أنعــم عليكــم مرافقـة

خيــر الأنـــام .

وكل عـــــــــــــــام وأنتــــــــــم من اللــــه أقـــرب

السلام عليكم ورحمة الله وبركاته

كل عام ويوم وساعة وأنتم بألف خير

مودتي وتقديري

كلما أطللت على مدونتك

أعود فأقرأ وأتبين

.

دعني أتناقش معك قليلا في صميم الموقف إن سمحت يا ابن الأخيار

.

في قديم الزمان كان شيخ حكيم يجوب الأقطار

يبث الدعوة والدعاء والدواء فيشفي الله تعالى على يديه الناس من سائر الأضرار

في يوم اعتل السلطان فناداه المنادي فتطلع عمنا الشيخ إلى المريض الممدد على السرير وتحرك لسان السلطان بالسؤال

ها أنتذا ترى حالي أيها الشيخ الحكيم

فأي علاج يليق بي للخروج مما بي من سوء الحال

حدجه الشيخ مليًا ثم قال

علاجك هو في عصا غليظة كنبّوت الفتوات

ثم ساعد قوي ترفع به اليد العصا إلى ما فوق الهامات جميعها

ثم تهوي بها على أم رأسك فتريح وترتاح

.

ما هذه الحكاية الغريبة أيها العزيز

لعلي لم أفهم جيدًا

فما أحراني لمن يقود خطواتي نحو حسن الفهم

.

ألتمس نجدتك أيها العزيز سلامه ابن أبو سلامه

فكتابتك هادفة

والاقتناع في حاجة إلى إحكام الإقناع

/

تقبل أيها العزيز أحر أحر التهاني بمناسبة السنة الهجرية الجديدة

ورزقك الله سبحانه وتعالى كامل الصحة والسعادة والهناء وطول العمر المعافى الخالي من كافة الأمراض والعلل

*

وانت بالصحه والسلامه ياكن صديقى …انت كمان وحشتنى …اسمك حلو ….بيفكرنى بالفيلم الهندى القديم …. بس انا ناسى اسمه.. اتشرفنا بزيارتك ……

هو مين ده اللى انت بتحبه موت ياشيخ محمد ؟؟؟؟ ما تقول حاجه غيرها ….خش ف عبى خش ياشيخ رمضان ….وهو فيه حد نازل على سلامه سلخ غيرك انت؟؟؟؟

عم سلامة

سلامتك من الخنقه

كل عام وانت بخير وبصحه وسلامة

بمناسبة العام الهجرى

وتقبل منى زهرة الياسمين لقلبك مثل حبة الرمان

مودتى واحترامى

بصراحه كده يادولت الهانم …الصورة بتاعتك مش عايزة تروح من نافوخى …زى ما تقولى كده بتفكرنى بمرسحية “الليله الكبيرة” بتاعة صلاح جاهين اللى انتى بتحبيه ….وخلاص يادولت مش ح اتكلم عنها تانى الا بكل خير

وانت بخير وسلامه يابن فلسطين ياشهم …يامرابط ياللى مفيش زيك اتين فى العالم ده كله …

وعليكم السلام يامجلة عيون على الكون …ان شاء الله نزوركم قريب ….بس بعد ما خلص رى الزرعات ….دمتم

اهلا وسهلا بيكى ياسلوى يامنورة البيت والغيط … والله احنا بنتعلم منك ياسلوى …وبنوسع بعلمك عقولنا …

الا هو يعنى ايه ابن الخيار دى ياسلوى ؟؟؟ طبعا لا ممكن تكون شتيمه ..لأن لسانك عمره ما ينقط غير العسل … وعموما الخيار جميل وكلاتنا بنحب ناكله على السلطه..

نيجى بقى لقصة الحكيم والسلطان اللى انتى بتحكى عنها …ونفهم منها ان العصايه دوا لمن لا دواء له …بس انا مقلتش كده ياسلوى …انتى كده بتورطينى ف كلام انا ما قلتهوش …وراعى ياسلوى ان عمك سلامه صاحب عيال ..ومسئول عن كوم لحم ..وارجعى لصاحبك ده اللى اسمه يوسف ادريس وهو يقولك يعنى ايه كوم لحم …وانتى أصلا راجعاله وعارفه كل حاجة.

ياسلوى استرى عليا الله يكرمك ..ده انا ممكن أتمسك ف غمضة عين …أو الكامبايوتر بتاع الواد ابن أبو خميس اللى أنا قاعد عنده ف قهوة التنترتيت يدخلو ا له فاريوسات أو تييجى للقهوة كابسه.

أيوة كده ادعى لى أحسن ياوش السعد والخير انتى

ان شاالله يسعدك المولى يارب ياروبى ….يازينة البنات .. ومتشكر على الياسمينه اللى ريحتها فايحه من عندك لحد الكفر ….وربنا ما يكتب الخنقه على حد أبدا.

بشرى سارة للأيدى العاطلة:

انشاء مصنع على مساحة مليــــــــــــــــــــــــــون فدان لصناعة الكلبشات بدلاً من استيرادها بالعملة الصعبة

كل المدن تفخر بأثر تاريخى أو وطنى:

مدينتى دمنهور تفخر بوجود احدث سجن به احدث غرفة إعدام بالشرق الأوسط

ارفعوا الرايات السوداء خفاقة عالية بليــــــــــــــــــــــــــز
ولسة

ولـــــــــــــــــــــــــــــــسة

كفاية

حــــــــــــــــــــــــــــــــرررااام
*********************************

تعليقك عندى لوحده اكبر جايزة يا عم سلامة
احنا هننهب
ولا
هننهب

وحياتك حتي لو فرقعت جنبه قنبله ذريه ما هيقوم من رقدته

الله لا يقومه ولا يصحيه ابدا

خليه نايم ده نوم الظالم عباده

تحياتي لك

عزيزي سلامه

عجبك الدعاء … هو أكيد مش زي دعاء أم سلامة …بس اتاكد ان دعوتي مقبوله لأني دعيتهالك في يوم مبروك ….واديني قبل مادخل أنام قلت امسي عليك و قلك تصبح على خير يا وجه الخير…

الا هو انت من دمنهور ياأسد مصر ؟؟؟؟؟؟؟؟؟ طب مش كنت تقول …دى دمنهور دى أحسن ناس…..وايه حكاية السجن ده ياإيهاب …؟؟؟؟ واسم السجن ده ايه ؟؟؟ طب وغرفة اعدام ليه ؟؟؟ وإيه لزمتها ؟؟؟ هو لازما ولا بد ….طب ما احنا لم نحب ننعدم بنهرب ونرمى نفسنا فى البحر أو نغرق فى مركب أو نتحرق فى قطر …ايه لزمتها بقى غرفة الاعدام …وايه لزمته السجن من أصله ؟؟ دى مصر كلاتها سجن ياأسد

أوعى يكون قصدك السجن الجديد على طريق الصحراوى ..ما هو واقع فى زمام دمنهور…….روح الله يسامحك ياأيهاب …لبشت جتتى .

وانت طيب وبخير ياطالبى …وح اجيلك زيارة ان شاء الله

يا ربِّ إنْ عرفتُك.. فبهدايتِك،… وإن أبصرتُ طريقي وغايتي.. فبوحيك،

وإن عملتُ خـيراً.. فبتوفيقك،… وإن كُتِب لي فـوزٌ في الدّنيا والآخـرة..

فبرحمتك وفضلك… لا إله إلا أنت، ولا ربّ لنا سواك»

كل عام وأنتم بخير وكل عام ونحن لله أقرب

أيها الفلاّح المتنور سلامه السلامات

إنما من أجل السلامة ألمحتُ إلى مكامن الخلل التي قد تأتي من سوء التأويل لكلامك النبيل

.

التحوط واجب في كل منبر عام مثل منابرنا هاته

.

وهناك سؤال طالما وددتُ طرحه عليك

ماذا تقول العصافير بربك هناك في الغيط

فأنا ألاحظ أنها حرة طليقة فلعلها تصدح بما يخالف هذه الملونة بنات الأقفاص

.

تقبل أيها العزيز الرائد

بلاش الرائد هاته فستنسج حولها قصة أخرى

تقبل أسمى تحياتي واحترامي وبالغ تقديري

*

إسم السجن : دمنهور العمومى والشهرة سجن الابعادية ( نسبة للقرية الموجود بها السجن على

طريق القاهرة - الاسكندرية الزراعى)

وبتسأل ليه؟ ناوى على ايه ؟!

والعمومى زى الحديقة العامة كدة .. ممكن يلم كل الحبايب ويقولك: كمان : هل من مزيد ؟

ويعنى يا عم سلامة هيكونوا عاملين غرفة الاعدام ليه ؟؟!

طبعاً لتنظيم النسل بالاضافة للوسائل الأخرى القطرين والطيارتين والعبارتين!!

وكله علشان خاطر مصر وعيون مصر!!

أما سجن الطريق الصحراوى اللى قصدك عليه

حصلت فيه حكاية ولا ألف ليلة

كان مرة الرئيس السادات معدى ع الصحراوى رايح اسكندرية

وشاف الراية السودة مرفوعة - قدراَ !!

قام سأل :

ايه الراية السودة دى يا جماعة ؟

قالوا : ياريس معناها ان فيه واحد سيعدم اليوم

ومعروف أن من حق رئيس الجمهورية وقف تنفيذ حكم الاعدام

فقال الرئيس : بمناسبة مرورنا من هنا اليوم : نعفوا عن هذا الرجل

واتكتب للراجل عمر جديد

تخيل نفسك يا عم سلامة مكان الراجل ده

واحكى على مشاعرك

بس محدش فاهم ودايماً ظالمين الحكومة منهم لله البعدا اللى فى بالى!!

ضحكتنى يا ابا الحاج على موضوع ” لبشت جتتى ” !!

بس عمال تقولى شعرك يحض على الجبن ..

يحض على الجبن..

ألا كيلو الجبن القريش بكام عندكوا فى الكفر ؟

الرجل العجوز اللطيف الظريف 00 إللي كلنا نحبه ونقدره

وعد الحر دين عليه وسوف تجدني عندك في القريب العاجل لنأكل معا لحم الخروف 00 بس يكون مشوي 00

وبعدين خف شوية عن مريم لأنها مش حملك ياراجل ياطيب 00 أنت أرهقتها كثيرا حرام كفاية

العمدة سلامة

أحييك علي روحك الجميلة

كما أحب أن أحيي الأستاذ إيهاب الحمامصي من خلال مدونتك

بس في حاجة الأستاذ إيهاب بيقولهالك إنت بتسأل علي سجن دمنهور الأسئلة دي كلها لية و ناوي علي إية

و بعدين الأستاذ إيهاب جابلنا حكاية سجن دمنهور و الراجل اللي تم العفو عنه

و بيقولك آل إية تخيل نفسك يا عم سلامة مكان الراجل ده

واحكى على مشاعرك

المهم مشاعه إمتي بالظبط قبل الإعدام و لا بعد العفو

المهم إن العفو دة تم في أيام الرئيس المؤمن محمد أنور السادات و الله أعلم حيعدموا مين معاك لو حسني عدي عليك

هههههههههههههههههههههههههههههه

أنا خايف إيهاب يجيبني معه بدعوي الصداقة

مساء الخير على صاحب اجمل مدونه لانها لامة الحبايب كلهم وتحس تجمع جميل جدا مع هزارك مع الجميع

تحياتي وحبي مريت اسلم عليك واطمان عليك من الاختناق دمت ياغالي

سلامة

قول اللي في قلبك

افتح حناياه

أشجنا

لك كل التحايا ،،،

عزيزي سلامه

أنا بقى مصره على “عزيزي” دي ….دي جايا من المعزه يا راجل ……….

و طالعه من بقي زي العسل هههههههه وحياة ام سلامه ما تكسفني تاني…

و ما تقلقش بكره اللي عندك في الكفر يتعودو ……..

تحية معزة مضاعفة مرارا و تكرارا ……….

السلام عليكم

كثيرا ما قرأت لك وما زلت

دون ان اترك لك تعليق

فقد اعجبتني بجد مدونتك

ولكن ….

بيني وبينك هات ودنك مشان لحد يسمع

انا قريتلك مره تعليق لكن صديقي

وبتسال فيه على البنت واقولك متتعبش نفسك

انا جيتلك برجليا,, وانا وياه عملنا مدونه مشتركه

ومنتظره زيارتك الغاليه

//

تحياتي الصادقه

حقا سعيده بكل ما قراته لك

//

القلب المكسور

اي اي اي

هو ده الاتفاق يا عمي الحاج انت كمان

.. لا وربنا ما يحرمنا منك .. لا هيك انت عربي .. شو مريم بتتوسلي .. ماشي يا عم العجوز انت كمان .. دانا سبت قريبي .. شبيه ستي عشانك .. خلاص الاتفاق راح

خلي سلامة يعرف شغلوا معاك .. يا عجوز

ماشي

حاج سليمان ياطيب…نورك دايما هالل علينا ….وبتسعدنا زيارتك

عصافير الغيط ياسلوى ؟؟؟ ياحلاوة وجمال عصافير الغيط …ده انا نفسى تيجى تشوفيهم وهم بياكلوا الغلا يوم حصادها …حاجه كده تشرح القلب من جوى ..انما العصافير الملونه تلاقيها كده …تبقى واقفه بعيد وخايفه …ما هى لو اتمسكت بتتحبس فى الأقفاص ….انما عصافير الغيط لو اتحبست تموت فى القفص……

وبعدين انتى غاويه كل شويه تونكشينى ليه ياسلوى …لما انتى عارفه ان رائد دى ح تزعلنى بتقوليها ليه؟؟؟ وبعدين ممكن حد تانى ييجى يقول لى ياحضرة المقدم أو اللواء أو البكباشى ….أنا سلامه الفلاح ياسلوى …يامتثقفه انتى ….ياما نفسى أوصل لدماغك دى ..وأعرف هى معبيه العلم ده كله ازاى؟

جرى لك ايه ياأسد ….انت بتسخر منى والا ايه؟؟؟ عموما ياسيدى منك نستفيد …اتنورنا

ياسى ايهاب.

متشكرين ياابوالليل ياأمير …يامحترم ..ياللى كتاباتك منورانا ..عندنا وعندك.

شبه ستك ايه يامريم ؟؟؟ هو انتى خليتى فيها ستى ؟؟؟ده انتى كسرتى بخاطرى وحطمتى مشاعرينى …وخلتينى ولا كوز الدورة بعد الشوى…وبعدين لا عاد فيه خرفان ولا يحزنون ….لا ليكى ولا للشيخ رمضان .

نادى عليا من هنا للصبح يامريم …مش ح أرد عليكى .

بكرة يازبيدة ….بكرة ح نتنفس كل الكرامه …بس صبرك انتى …ده الصبر طيب

الله الله الله ………

ايه الحلاوة دي يا أخ سلامة ….

ده انت قلت وقلت وقلت …..وكلنا قلنا وراك ……

انا عن نفسي , موضوع السلطان اللي اتعشى ونام شايف أن الاصلح ليه , شومة مش عصايا ….

ما تبقاش بخيل , طالما هاتضرب , يبقى اضرب بذمة خلينا نخلص منهم

صباحك ورد

السلام عليكم

جئت أسترق السمع أنظر إليك عن جنب وأنا خائف

مِعزه إيه و تيس إيه؟؟؟؟ يا عمي مالو تفكيرك كدا آخر الليل هو انت ماتعشيتش و الا ايه

؟؟؟

عزيزي من المعزّة مش مِعزه… هو انت محتاج تشكيل ؟؟؟

بس و الله ماخبيش عليك كنت حاسه انك حتعمل منها حكاية و روايا ….

مقبوله منك …دمك عسل و شهد ….

تحياتي

لأ ياداكتوور عبد الحفيظ ..شومة ايه ياراجل …برضه الرفق زينه…خليها عصايه …ده حتى فرعون نفسه ربنا قال لموسى قل له قولا لينا …

ليه كده يامحمد يالبوسفى …؟؟؟ وهو عم سلامه بقى بيخوف ؟؟؟ ده حتى انا بحبك ..وبحترمك …وتقدر تيجى ف أى وقت …الا هو انت بتسترق السمع ليه ..؟؟؟هو انت عفريت ؟؟؟؟

متشكر ياإشراف انك قولتى لى ياعمى ….أهو أنا كده ارتحت …

وخلاص عرفت انك ..بتعزى عمو سلامه من قلبك مش من المعزة …

عاوز عصايه تكون جامدة

أضرب بيها راس السلطان

أصحي بيها وأخوف

ملك الغابه ..اللي اتعشى ونام

فينك ياشيخ سلامة كل مرة أزور هنا أقول الجديد جاى ما بيجيش ليه و للا لسة مالقيتش العصاية

منورة ياناصرة سميح …معلش العتب على النظر …المؤامرة اللى عملينها فيا مرمر والشيخ رمضان طيرت نافوخى ….أهلا بيكى ياناصرة …الا الكابتن أخباره ايه.؟؟

عمو سلامه ….مبسوط ……….بقيت تزن علي كل يوم إني أناديلك عمي عمي…

و مالها عزيزي… و سيدي ….؟؟؟

خلاص الي يريحك بس اسمحلي اني اناديلك (أنكل) كمان و تونتون tonton( حاجه زي عمو بالفرنسية ) عشان انت عارف ان ثقافتي فرنسية و كمان بمل و بحب التغيير ….

خليك حنين في الرد و ما تزعلنيش لحسن أعيط .

حقك علي ياعم سلامة 00 أقر وأعترف أنا محمد رمضان أنني كنت ناوي أسرق البندقية بالاشتراك مع مريم العجيلي 00 ولكن الخطة فشلت 00 وأعدك أنني سأقف ضد من يحاول سرقتها 00 أنت عزيز وغالي 00 والله بحبك موت 00 خلي بالك الاعتراف بالحق فضيلة 00 وأنا جايلك وشايل كفني 00 هتطخني أم تسامحني 00 ياوجه الخير 00 أخبار الخروف إيه ياحبيب الملايين

امال عمال تقول انا له لوحدي .. انت طمعان في الخروف بقي .. ما تقول كده من الاول

ماشي يا ابو رمضان

انتى اللى ستى وتاج راسى ياإشراف يابنت تومس الخضرا …يابتاعة الا فرنكه انتى …أهم حاجه انى أسمع منك كلمة عمو دى ؟؟؟؟طالعه من بقك زى السكر المكرر…وعلشان تفضلى تاج راسى كده على طول بلاش تقولى لى لا اونكول دى ولا تورنيتنو كمان …بعدين الأمور تتطور والاقيكى بتقوليلى ياتوتو ….خليها عمو كفايه ..انا مبسوط بيها كده…

ايه رأيك بقى فى ردى ..حنين ..والا لأ…؟؟ رغم انى كنت زعلان منك .

ح نشوف السؤال يا من ليبيا …وبعدين نتكلم …شرفت وآنست

لأ يامرمر ..كله الا شغلك …؟؟؟ اوعى تقصرى فى شغلك بعدين يسحبو منك العربية والكمرا الكرتون ..؟؟؟دول عهده يابنتى … وقولى للشيخ محمد يحضر الخروفين …انا رايح له قبل ما هو يجينى …واللى يسبق التانى ياكل خروفه الأول ….الا هو انتوا ماعندكوش خرفان يامريم …طيب حتى معزة تعزمى علينا بيها .؟

دمك خفيف خفيف خفيف أوي أوي أوي

فهلا أصبتنا بعدوى بعض دمك الخفيف أيها العزيز

/

تقبل أسمى التحيات والامتنـــان

*

جدى سلامة انتى شاعر لذيذ و جرئ

اتمنى نكون اصحاب

شكراً على زيارتك يا عم سلامة
وسيبك من القاعدة دى
خش على ادراج جديد

ايه ياسلوى حكاية دمك خفيف دى ؟؟؟ وبتكرريها ليه تلات مرات ….؟؟؟ ده حتى الواحد لو دمه خفيف أكتر من اللزوم يبقى ما عندوش دم …ماهو خفيف بقى …

وبعدين أيه عدوى دى ياسلوى ؟؟؟ هو أنا جمل جربان والا ايه ؟؟؟ ياسلوى أنا فلاح بسيط بيتعامل بالفطرة …اللى فى قلبه على لسانه …لا يعرف اللف ولا الدوران ….وما باخافش الا من اللى خلقنى …ماهو انتى لو عشتى حياة الريف زينا وتسيبك من الأماكن دى اللى بتروحيها فى طنجه ..زى تل كالاماطا ده اللى كل يوم والتانى قاعده فيه انتى والهام وعزيزة ..كنتى عرفتى سخصيتى على أصولها ..وعرفتى ان الفلاح مننا زى المرزبه …ما ينامش الا اذا فضفض وطلع اللى جواه.

ايه جدى دى ياسى محمد ياشاعر ؟؟؟؟ وكمان عاوزنا نبقى صحاب وانت بتلخبط كده فى الكلام من أولها …. ومين قالك تقولى ياجدو ؟؟؟ انت حد مسلطك عليا والا ايه ….؟؟؟؟؟ انا عم سلامه يامحمد …مش جدو سلامه …… جدو دى لسه بدرى عليها شويه . ده انت طلعت لا شاعر ولا حاجه .

تعرف يا باشا سلامة أول دراستى الحرة فى الفن التشكيلى كنت أبحث عن الملامح المصرية الخالصة و الملامح الحية المنحوتة من على جدران المعابد حتى وقتنا هذا …. حتى مر على من فترة ليست قليلة ملامح تشبه ملامح الصورة عنوانك ….. ياااااااااااااااااااااااه ….و هذا سبب كبير أننى ملازمة مدونتك غير كلامك المصرى الرائق حتى ساعة الغضب…. يااااااااااااااااااااااااااااااااااااه …. أنحنى لموهبتك و لاختيارك

سلامة

استمتعت جدا هنا

ولي عودة أخرى

مودتي البيضاء

مساءك ود وعنبر

كيف حالك ….. تمنياتي لك بالخير والصحه

حبيت اسلم ع الاصيل

أبعت لك أعمالى فقط أحملها على الجهاز …. انا عاشقة للملامح حتى فى أوراق الخريف يقول زملائى فى الفن أن لى بصمة خاصة …. هكذا يقولون…. صباح اللى راسمة العروسة كاتبة و فنانة تشكيلية …. هذه الصورة من معرضها لقطة خيامية كان فى نهاية 2007 فى قاعة سلامة …. اللوحة معمولة من القماش بنفس طريقة حياكة الخيامية مع إضافة لمسات و عمل شكل بارز فى لوحاتها …. الجديد أنها قدمت لوحات تشكيلية هذه أحدهم كما يقولون هى الأولى التى تقدمت بهذا الشكل فى الفن ….

خروفك ياعم سلامة على عيني وراسي 00 وخروفي لازم يكون على عينك وراسك

وبلاش الحركات النص كم دي 00 وأنا خاصمت مريومة علشانك وعلشان الخروف

المهم فين إدراجك الجديد 00 أنت طولت المرة دي 00 عايزين نستمتع معاك

ايه ياخويا الكلام ده بتاع منى الشيمى …هى داخله تدورعلى واحد تايه ..!!!!! وايه راجعه لك تانى دى …؟؟؟؟؟ وكمان مودتى البيضاء …!!!!!!! الا هى الموده بقيت بالألوان اليومين دول …؟؟؟؟ طيب ياست منى أدينى مستنى لما أشوفك تانى …

أهلا يازمرد زمرد …نورتى …الا بالحق ..ايه حكاية الورد والعنبر دى اللى انتى ماشيه بيهم اليومين دول …؟؟؟؟؟ عمك سلامه اتهرى ورد وعنبر يازمرد .. طب مفيش حتة فله ؟؟؟؟؟

ده انتى الأصيله يازمرد ان شاالله يخليكى يارب

خلاص يادولت …مستنى أتفرج على حاجه من عمل ايديكى …بس قبل ما تبعتيها تقولى لى دى من ايوها مدرسه ..والا ابقى أقول لك أنا ؟؟؟…عشان أعرف بصمتك كويس …وسلم لى على صباح وقولى لها سلامه اللى انتى عملتى معرضك فى القاعه بتاعته بيسلم عليكى .

حاضر ياشيخ محمد …ح ابطل الحركات النص كم ….هو الواحد مايعرفش يهزر معاك أبدا..؟؟؟؟؟؟ دايما واخدها جد كده …. وبعدين ازاى تخاصم مريم …لأ ياشيخ محمد ماليكش حق …مريم دى برضه منينا وعلينا ..وان كانت هى ورطتك فى مشكله والا حاجه …معلش تعالى على نفسك شويه زر ما ان جيت على نفسى ..وسامحها ….متفقين ….ولعلمك أنا ما بارجعش فى كلامى …خروفك فى الحفظ والصون..ياراجل ياأمير

مساءك فل ياسيدي

مساءك كله خير وبركه

مساءك حب على حب \\ لناعسه \\\

ياريتنى غيبت وما اتسرعتش وقريت القصيده بتاعتك ياإشراف …كان نفسى تكتبى فيا قصيده …ياسلام ياولاد لو اشراف كتبت فيا قصيده ….ده انا كنت امشى كده فى البلد وراسى مرفوعه زى النخله….والناس تشاور من بعيد ..سلامه أهو …اللى اشراف كتبت فيه قصيده …بس المهم تكون مدح مش ذم ولا مهزأة …آه ….والا ح تيقى العواقب وخيمه فى الكفر كلاته …وندخل فى تار وماتارشى …ونضطر نسافر تونس الخضرا عشان ندور عليكى .

برضك لساك بتتكلم على الحمارة ياشيخ محمد … ما فيش فايده فيك ؟؟؟

طيب …ماشى ….الا قول لى بقى كم عدد زوارك من هواة مشاهدة العصافير؟؟؟ أنا أعرف منهم اتنين …مرمر …وكهرمانه …الاتنين عاملين مدونتك زى جنينة الحوانات …رايحين وجايين عليها …. ويقولو ا الله على جمال عصلفيرك ياشيخ محمد ….انت جيبت العصافير الحلوة دى منين ياشيخ محمد ؟؟؟ وكمان دى بتتحرك بالراموت كانتارول ياشيخ محمد ….فاضل شويه ويحيبوا كراسى ويقعدوا فيها ..؟؟؟

ياامير ياطيب

مهو اجمل شيء عصافير استاذ رمضان لانو لما ندخل مدونتوا تخبروا احنا جينا

وعصافير الغيط تجي تبلغك كمان واهو كل عصافير في عصافير

المهم انتوا محلين الليل والمدونات وحاسين بوجودكم معانا ياربي يحفظكم ويرعاكم

وتظلوا عاملين حركه رائعه بين المدونات….احلى زياره اشكرك

يا عمي …يعني كنت عايز تحرمني من طلتك البهية على صفحتي لحد ماكتب فيك شعر ؟؟؟؟

ماشي بس مش بالسرعه دي ….واستباقا للوقت هديت لك اغنية تونسية تليق بمقامك

زعلان ليه ؟؟؟ حد غنالك قبلي ؟؟؟؟ حتى لو مش من تاليفي …طالعه من جوايا …

غالي و تستاهل ……

بس إيه رايك في الفيلم بتاعي ؟؟؟؟ كنت عازمه فيه سيبوي …. مانت عارفه بتاع النحو ..

تحياتي

هههههههههههههههههههه شكرا يا وردتي .. احسنتي فابدعتي

اه نسيت .. اي .. كتكوت .. ماشي

ها ها ها .. استمري كده .. دانتي ماشية مية مية

سلامة يا ابن أبو سلامة

إزيك … يا راجل علي النعمة إنت لا مخنوق و لا حاجة … دول كلمتين قلتهم علشان بس تسكت الناس و تجرهم عندك تاني …

سانونوه إيه اللي جاي تقول عليه .. ماتخلي الطابق مستور ……………… بعدين مين نورن دي اللي بتسأل عليها .. أنا معرفش حد بالأسم ده …

اول مرة بزور مدونتك الكريمة وتفاجئت جدا ،، دائما بشوف صورة المدونة بس ما عمري دخلتها ،، بصراحة مدونة روعة بكل ما في الكلمة من معنى واعتقد بانه فاتني الكثير

ان شاء الله سيتم التواصل الدائم وتقبل مروري واحترامي

السلام عليكم

اخي الكريم : انا احتاج من وقتك دقيقتان لتساعدني في حل لغز يحيرني

ارجو منك زيارة مدونتي لمشاهدة الموضوع(اللغز)

وايجاد حل له وانا اتكون لك من الشاكرين

تحياتي العطرة……

اخوك مهند االبرق

يا شيخ …

و الله ما في لا غيط و لا دياوله … إنت بس غلب حمارك …

أنت عامل إيه ف الناس عشان يتلمو عليك كده …

إبست يا عم …

كل البنات بتحبك …كل البنات حلوين

أنت ياعم يا بختك .. مين زيك مين

خمسة و خميسة ف عين اللي ما يصلي ع النبي

اللهم صلي ع النبي عليه الصلاة و السلام

ليه كده يا عمو سلامة أنا زعلتك في حاجة ؟؟؟

انت حاطتنا كلنا في شكاره وحده ؟؟؟؟

فرق بين حبيبك و بين عدوك وبين مين يغيزك و ينكش فيك………….

وبعدين كل ده تسقي و تروي في الارض امال المطرة عندكم دورها ايه ,,,,,,والا انت بس

بتثقل وتتهرب منا و تفوق لنا آخر الليل وحنا نايمين ….

تحياتي

اي اي اي .. كل البنات بتحبك كل البنات حلوين .. مين ده يا زين

دا شوفوا صورتو فوق .. دا شكل واحد كل البنات تحبوا . .. لا هي البنات اتنصت في نظرها للدرجة دي ..

اوعي تصدق يا عم سلامة .. وتفتكر الكلام صاح وتسيب ناعسة وتعمل نفسك دون جوان .. ده كلام مجاملات ..

يا وردة البيضاء .. فينك .. دا هو رجع ونام .. وعايز يصحي اخر الليل .. بس انا بقيلك بكرة مش رايحة للشغل .. وبقيالك بالمرصاد ..

واشراف تقول .. فرق بين اللي يحبك .. واللي ينكش فيك .. مين ده اللي يفرق .. ده هو حتى ما بيشفوش كويس ..

انا وراك يا عم سلامة ..

سلامات العم سلامة

لا تختنق لا تبتئس

حاصر حصارك لا مفر

أضرب عدوك لا مفر

فأنت الآن حر وحر وحر

بس بيني وبينك أنت خطير

رموزك قوية وأفكارك بعيدة

الهزل طريقة ذكية

قلبي معك

هههههههههه سلام مؤقت ورايا شغل ..!!!!!!!!!!!!! هو شغل ايه اللى وراكى يامريم …؟؟؟وهو انتى فاضيه غير للمؤمرات والدسائس ….والقعده مع عصافير الشيخ رمضان …اللى مرة يقول لى طخهم وريحنى منهم…ومرة يجيب لكم كراسى تقعدوا عنده علشان تتفرجوا عليهم ….عنده فيزوفرينيا على رأى ساندى.

سلام يا عم سلامة يا صلاح جاهين

عجبتنى اوى امنياتك بس يا ترى ممكن تتحقق

دة احنا فى زمن الفساد فى كل حارة وكل شارع

يا رب الحال يتغير

تسعدنى صداقتك لو مفيش مانع

حنان سرور

والله ياورده أنا معدتش فاهمك …؟؟؟ مرة تقولى أنا بحب أزور مدونتك واقراكلامك الحلو …ومرة ألاقيكى بالصدفه بتتفقى ضدى مع المدعو الشيخ رمضان والمدعوه مريم …وأنا كتبت لك تحذير فى مدونتك ياريت تهتمى بيه ياكهرمانه …أنا لسه باقى على العشرة والود ….وبعدين البيه صاحبى .

كتكوت ايه ياست مريم اللى بتتكلمى عليه ؟؟؟ ما تسيبى البنيه فى حالها وبلاش تورطيها زى ما ورطتى الراجل النسمه الطيب قبل كده …وخلتيه وحش مفترس.

ياأهلا بيكى ياست ميساء ياأميرة يامحترمه … والله ده سلامه هو اللى اتشرف بزيارتك الكريمه …ولازما ولابد الزيارة تتكرر ..الزيارة دى مش ح تتحسب …واوعدك بزيارة قريب عندك….متشكرين

جاي لك يامهند …بس اصبر عليا أخلص من الحوسه دى اللى أنا فيها .

الا مافيش حد فيكم يقول لى ويحلل لى ايه الحالة دى اللى عند زين اليومين دول ؟؟؟ نفسى أعرف ايه اللى بيجرى لها ده …؟؟؟؟ دى قاعده اليومين دول تغنى ..وتفرج عن العصافير المحبوسه ومقيمه فى جنينة الشيخ رمضان ….واللى زاد وغطى انها عماله تقر عليا …ليه ماعرفش …؟؟؟مع انى باعزها والله .

روح .. روح وانت لاهي في هيصة بتعتك دي .. شوف اسمك الجديد هههههههههههههههه دا حتى حلو خالص

يارب تفرح بيه زي مفرحت انا بيه

ربنا يسعدك يا ابو رمضان يا مدير كبير واستاذ عظيم .. زي ما اسعدتني

عاجبك كده يازين …أديكى وقعتينى مع اللى لا بترحم ولا تسيب رحمة ربنا تنزل…..

نعم ياست مريم ..فيه ايه تانى …الوردة البيضا وخلاص فكت منكم …واشراف بينى وبينها عهد ووعد وميثاق …وبكرة الجنينة ح تفضى عليكى انتى والشيخ رمضان..ابقو بلو العصافير واشربو ميتها ..وبعدين ايه ماباشوفش دى يامرمر …الا هو انتى فاكرانى لابس نضارة والا ايه ؟؟؟ طب مين قالك ياحويطه انتى ..؟؟؟؟

متشكرين ياهاديل …الا هو الواحد لو حب يزورك ييجى لك على ايها عنوان …انتى مالكيش عنوان ياهاديل..؟؟؟ ما عندكيش دوار ..؟؟؟.

انت شرفت ياشيخ رمضان ..؟؟؟؟ ياأهلا وسهلا …اتريق على عم سلامه زى ما انت عايز ….واتريق كمان على حمارته ….بس أحب أقولك كلمه تحطها حلقه فى ودانك …..سلامه مابيسبش تاره …وحتما ولا بد تقع فى مرمى الفرفر ياشيخ رمضان .

بيان هــــــــــــــــــــــــــــــــــــــــــــــــــــــــــــــــــــام

زي ما كتبت سلامة عند الوردة البيضاء

اعلن هنا انا مريم .. بان اسم العم سلامة تم تغييره .. الي ……..جحا الواحد والعشرين …………………..والحاضر يعلم الغائب …………يا اهل المدونات …………يا اهل الغيط …………….يا اهل ليبيا والشام والعراق وفلسطين والمغرب ولبنان والسودان والسعودية ومورتنيا والنيجر وكل البلاد العربية والافرنجية .. يا راس الرجاء الصالح ,,, يا قوم .. تم تغير اسم عم سلامة .. وهذا بيان رسمي مننا نحن .. مجموعة عصافير محمد رمضان المدير الكبير .. ومني انا شخصياً مريم من ليبيا .. ومن وردة اللي هي في فرنسا بس سوريا .. ومن كل حد ..

والحاضر يعلم الغائب

يا اهل مصر .. يا اهل القاهرة فردا فردا .. والاسكندرية وبورسعيد وطنطا والمنصورة بلد الحب وكفر الشيخ وكفر الدوار .. يا اهل الصعيد الجواني .. يا اسوان .. ويا سوهاج .. يا كل المعمورة

هذا اسم عم سلامة

جحا الواحد والعشرين

قلوب ايه اللى انتى عايزة تصفيها ياإشراف …الا هى القعده وسط العصافير عجبتك ؟؟؟ طيب لما تحبى تصفى القلوب اختارى قلوب غير قلوبهم …وهى قلوبهم دى قلوب …. دى كلاوى ياإشراف .وبعدين انتى بتضغطى عليا وسايباهم هما ينهشوا فيا ليه …أنا يتقال لى جحا الواحد والعشرين ياإشراف ….؟؟؟ أنا سلامه ابن أبو سلامه اللى لما يقول هاه من بعيد يترج الكفر كلاته ..؟؟؟

واضح ياإشراف انك طيبة وعلى نياتك ..وبلاش تزعلى …أنا ح أزورك بسخصى أطيب خاطرك …بس تخرجى حالا بالا من جنينة المدعو الشيخ رمضان …بس بعد ما تقرى كلامه الحلو عن “سمع الله لمن حمد “

الا ياجماعه مفبش حد فيكم يقول لى معلومه حتى ولو صغيرة عن البنت زين دى ؟؟؟ دى عامله زى الدادابان ما بتفوتهاش فوته …

يازين يابنتى ما يصحش اللى انتى بتقوليه ده …وبلاش تسحبى منى لقب عمو …وما تمشيش ورا اللى بينخورو عنى …وانا مخبى سنى الحقيقى …أنا كبير يازين سنا ومقاما …يابتاعة عصافير الشيخ رمضان .

يامريم واضح كده ان انتى ناويه على نيه مش ولابد …وده مش فى صالحك يامرمر ….

واوعى تفتكرى انك لما تقولى على عمك سلامه اللى شبه ستك ..عى حد قولك - اناسمه الجديد هو جحا الواحد والعشرين ..ان ده مافيهوش اساءة ليكى …انتى كده يامرمر بتهينى نفسك …فوقى وارجعى لصوابك …واذا كان على اللى كتبته عند كهرمانه ..فانتى كتبتى أزفت منه ..ونبقى خالصين …قلتى ايه …ح تلمى الامور والا أكمل عند اشراف وزمرد وزين ودولت ونسرين وسلوى وساندى وروبى وهبه وكل حبايبنا ….؟؟؟؟ عقلك فى راسك تعرفى خلاصك وفكرى وخدى وقتك يابنت الحلال

الله الله عليك يا سلامة

كتـّر من الكلام الحلو اللي ده ارجوك

ياقمر يلي مابيطلع الا في الليل

انت فين

خنقناك بالزيارات….انت نمت

تصبح على الف خير

أنت الذى نور مدونتى …. كتبت الإدراج للأسف و انشغلت يأشياء أخرى حتى أقرأ التعليقات …. شكرا جزيلا

دعوة الى كل مدون حر وشريف لنكون يد بيد لكسر حصار غـــزة

شاركنا فى أسبوع التدوين لأجل التضامن مع المحاصرين بغزة

من19/1/2008الى26/1/2008

تحية مباركة لكم من قلب غزة المحاصرة

تدعوكم رابطة شباب فلسطين الخيرية ومدونات شباب فلسطين الى التدوين لأجل غــزة وعلى الأقل

تخصيص أسبوع كامل لجميع المدونات للتدوين لأجل المطالبة فى فك الحصار عن غزة ويمكن لكم التزويد

فى الموضوعات والصور الخاص بالحصار من مدونة نيوز شباب فلسطين ويمكنكم نقل هذه الموضوعات

ونشرها فى مدونتكم مع أن تخصيص أسبوع واحد لايكفى لهذه القضية الخطيرة فالقصد من ذلك هو ان

نفعل شئ أفضل من لانعمل شئ لأجل تلك القضية نأمل من حضرتكم ياأيها المدونين الكرام أن تكون هناك

استجابة واسعة منكم لأجل ذلك فهذا أقل شئ ممكن تقوموا به وهذا واجب وحقنا عليكم … وكبداية لهذه

الحملة التى تحت عنوان لأجلك ياغـزة يمنكم نشر تلك الرسالة عبارة مدونتكم

================================================

رسالة رابطة شباب فلسطين الخيرية من قلب غزة المحاصرة إلى كل أخواتنا المسلمين والعرب و أحرار

العالم

لايكسر الحصار إلا الأحرار

ما فتأ اليهود لعنهم الله تعالى يبحثون عن طُرُقٍ لإذلال شعبنا في فلسطين المحتلة، فتارة بالتفنن في أساليب

القتل وابتكار سياسة كسر العظام، وتارة بالسجن والاعتقال والإبعاد، وتارة بالقصف والتدمير والتخريب،

وتارة بتدمير الاقتصاد وإغلاق أبواب التجارة والبيع والشراء، وتارة أخرى وليست أخيرة في قاموس الإجرام

الصهيوني الحاقد بإغلاق المعابر وفرض الحصار على الشعب كله ! واليوم واليهود الصهاينة يحاصروننا في

قطاع غزة، لأجل ذلك كانت حملة لأجلك ياغـزة التي تطلقها رابطة شباب فلسطين الخيرية من قلب

الحصار والجراح من غزة هاشم وذلك للنصرة أهلنا المرابطين في قطاع غزة المرابط

وحتى تعلمَ أخي الكريم عظيمَ الخطبِ ومدى المعاناةِ الشديدة، التي يعيشها شعبُ الإسراءِ والمعراجِ في قطاع

غزة، نضع بين أيديكم بعضَ الإحصائيات وأرجو أن تقرؤوها بقلوبكم فضلاً عن عيونكم، على أملِ أن

يستنهضَ هِمَّتَكُم عظيمُ الهَمِّ الذي ستعلمون وهو على النحو التالي:

* 1000 مريض على أبواب الموت، وبعضهم فارق الحياة بسبب الحصار != عشرات الجرحى

والمصابين المجاهدين لا يجدون علاجاً بسبب الحصار != 4 صنف دواء مفقود في قطاع غزة الآن بسبب

الحصار !=100 صنف دواء يشارف على النفاد بسبب الحصار !=3500 مصنع وورشة ومؤسسة

صناعية أغلقت أبوابها بسبب الحصار !=70 ألف عامل انضموا إلى قافلة العاطلين عن العمل بسبب

الحصار != 100 مليون $ بضائع محجوزة عند اليهود ممنوعة من الدخول للقطاع بسبب الحصار !

=250 مليون $ لبناء منشئات سكنية لمن يعيش بدون مأوى موقفة بسبب الحصار != قطاع البناء

والمقاولات والإنشاءات تم إيقافه وتدميره بسبب الحصار !

آلاف المزارعين تم تدمير مواسم الزراعة عندهم بسبب الحصار !=مئات الطلاب محجوزون لا يستطيعون

السفر لإتمام الدراسة بسبب الحصار !=آلاف المواطنين في الدول العربية لا يعرفون الدخول للقطاع بسبب

الحصار !

مئات الإقامات قد انتهت وفقد أصحابها أعمالهم بسبب الحصار !

هذا جزء مما يقع لأهلنا في قطاع غزة المظلوم المقهور، فمن لهؤلاء المستضعفين ؟ يجبرُ خاطرَهم ويأخذ

بأيديهم…

والحصار يوماً بعد يوم يشتدُّ ويزدادُ، وقد أعطت الإدارةُ الأمريكيةُ-كما تُسَمَّى- اليهودَ الضوءَ الأخضرَ لعمليةٍ

عسكريةٍ واسعةٍ في قطاعِ غزة، للإجهازِ على البقيةِ الباقيةِ من عزةٍ وكرامةٍ في نفوس أبناء بيت المقدس، وأنَّى

لهم ذلك ؟ فإنَّ أبناءَ بيتِ المقدسِ وأكنافِ بيت المقدس يتربى كلُّ واحدٍ منهم على الكرامة والعزة، والتي

لن تكون إلا لأهل هذه الآية [وَللهِ العِزَّةُ وَلِرَسُولِهِ وَلِلْمُؤْمِنِينَ وَلَكِنَّ المُنَافِقِينَ لَا يَعْلَمُونَ].

إنه الحصار والإغلاق الذي تفرضه الثلةُ الحاكمةُ الظالمةُ على نفرٍ من الناسِ، وما ذاك إلا لأنهم يقولون رَبُّنَا

اللهُ كما هو الحالُ معنا اليومَ في قطاع غزة، فإنَّ الحصارَ والإغلاقَ لا يفرضُ علينا لأننا نمتلكُ قوةً نوويةً أو

أنَّ أرضَنَا مليئةٌ بالبترول والمواد المعدنية، أو أننا نمتلكُ ثروةً بيئيةً لا توجدُ في بلد ٍ آخر إننا اليوم نحاصر من

أجل لا إله إلا الله محمد رسول الله، كما لشعب أبى طالب واليوم يعود حصارُ شِعْبِ أبي طالب بأقبح

صوره، وأبشع مناظره، والسؤال الذي يلقي بنفسه بقوة في واقع أمة الكرم والنخوة والشجاعة آنذاك:

* أين أصحاب الهمة العالية والعزيمة الصادقة والإرادة القوية ؟

* أين الأحرار ؟ وأين الذين يسعون لرفع الحصار ؟

* أين أصحاب المروءة والنخوة من العرب ؟

*أين علماء ومشايخ الأمة الكرام؟

*أين أصحاب المؤسسات والهيئات الخيرية؟

يا قوم آلمني وأحزنني وأدمعَ مقلتي ~~~ ورمى فؤادي بالأسى والحزنِ واقعَ أمتي

وأبناءُ فلسطينَ اليومَ باتَ كلُّ واحدٍ منهم يقولُ لأبناءِ أمتهِ كلهِم [أَلَيْسَ مِنْكُمْ رَجُلٌ رَشِيدٌ] ألا يوجدُ لصلاحِ

الدين الأيوبي اليوم أشباهٌ وأمثال ؟ أليسَ فيكُم مَنْ يَقتدي بِالمعتصمِ فيستجيبُ لصرخاتِ الثَّكَالى ؟ أليسَ لنَا

عليكم حقُّ النصرةِ وواجبُ المعونة ؟

يقول الشيخ سفر جزاه الله خيراً:” ولذا فإنَّ نجدتَهم حقٌ واجبٌ و نصرَهم فرضٌ لازمٌ لجميع المسلمين

بمقتضى نصوصِ الكتابِ والسنةِ قال تعالى: [إِنَّمَا المُؤْمِنُونَ إِخْوَةٌ] وقال [وَالمُؤْمِنُونَ وَالمُؤْمِنَاتُ بَعْضُهُمْ أَوْلِيَاءُ

بَعْضٍ]، وقد روى مسلم عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ” الْمُسْلِمُ أَخُو الْمُسْلِمِ لَا

يَظْلِمُهُ وَلَا يَخْذُلُهُ… كُلُّ الْمُسْلِمِ عَلَى الْمُسْلِمِ حَرَامٌ دَمُهُ وَمَالُهُ وَعِرْضُهُ …”وقال أيضاً: إنَّ خذلانَهم أو التهاونَ

في مناصرتِهم ورفعِ الظلمِ والاضطهادِ عنهم ذنبٌ عظيمٌ وتضييعٌ لفرصةٍ كبيرةٍ في تحطيمِ آمالِ الصهيونية

الحاقدة، وفيه تعريضٌ للمسلمين والعرب جميعاً لخطر مُدْلَهِمْ فإن لم يغتنمِ المسلمونَ اليومَ الفرصةَ فسيندمونَ

على فواتِها إلى أمدٍ، لا يعلم به إلا الله، وإنَّ تغييبَ الأمةِ عن ذلك وإشغالَها باللهو واللعب يبلغُ درجةَ

الإجرامِ في حقِّها وحقِّ قضايَاها.

وختاما نقولً:

الأمَلُ في نَواصِي أبْنَاءِ الأمَّةِ مَعقودٌ، ولنْ نَيأسَ أَبَداً، بَلْ ولنْ نَسمحَ لِذراتِ الإحْبَاطِ والقنوطِ منْ الدُّخولِ إلى

أفئدتنا، فالتفاؤلُ هو الذي يَصنعُ للأمَّةِ مَجداً وهو الذي سَيُعيدُ للأمَّةِ كَرامَةً وسيادةً، والخيرُ بَاقٍّ مَا بَقيتْ

هذه الدُّنيا والفرَجُ قَريبٌ والنصرُ آتٍ، والليلُ راحلٌ والفجرُ قادمٌ، وسَيُرْفَعُ الحصارُ وسَيُكْسَرُ القَيدُ بِإذنِ اللهِ

تعالى، وسَيَلتَقي أبناءُ الأمَّةِ هنَا في فلسطين، لنصليَ سَوياً في المسجدِ الأقصى المبارك بإذن الله رب العالمين،

وَسَيُكْسَرُ الحِصَارُ عَلَى يَدِ الأَحْرَار بإذن الله تعالى.

فنحن لانتوسلكم بل هذا واجبكم الشرعي والأخلاقي والأنسانى كفاكم صمت وسكوت على مايجرى؟؟؟

للاستفسار عن كيفية المساهمة والتبرع للحملة لأجـلك ياغزة يرجى التواصل مع رابطة شباب فلسطين

الخيرية

pals-2007@hotmail.com

pale2070@yahoo.com

الموقع الالكتروني

http://pale-2007.maktoobblog.com

http://pals-2007.maktoobblog.com

ويمنكم الاتصال مباشرة بالرابطة على الرقم 972599805291

نتمى منكم توزيع هذه الرسالة فى بلدكم وتوزعها عبارة الانترنت من خلال المواقع والمدونات والايميلات

رابطة شباب فلسطين الخيرية – قطاع غزة – فلسطين المحتلة

دي تاني زيارة لي عم سلامة

دا برضك يرضيك تتخنق واحنا موجودين

دا مش كلام يا عم سلامة

هاي اخرةِ عمايل النسوان

فيك بيتقاتلوا عليك

دا البنت كبرياء تعابانه

افتقدنا طلتها كتير

في الزيارة الماضية نعتني بالفاشي والقاسي

الله يسامحك يا عم سلامة

دا برضك تعمل بلغلابا الي زينا

محنا برضوا بنشجع الاهلي والزمالك

وغزلة المحلة وبلدية المحلة

واسمنت السويس

وطلائع الجيش

دا برضوا كلام

هي ايه اخبار العزبة

وعم موسى

وعم حنفي

لساتهم بيقعدوا على القهوة

سلامتك من الخنق عم سلامة

اوقع اعجابي ومحبتي

“”"”سمع الله لمن حمد ………….ربنا ولك الحمد ……………………..”"”"

لا يا عمي انا مااقبل ان حد يزعلك او يطول لسانه دلبركه فيك اللي جمعتنا و عرفت

الحبايب ببعض ….وانا بنت اصل عمري ماخونك و لا اخون صداقاتي ….لو كان على

الكرسي انا سحبتو ….اانا ما بحبش الكراسي أصلا …..و اللي يرشك بالميه نرشو بالنار..

انت سيد الرجاله و اميرهم …..وخلي اللي يقول يقول و القافلة تسير ……..

و اللي يحبنا يجينا ……….و كلامي ما يزعل حد الوفاء و الولاء من شيم الشرفاء.

تحياتي يا طيب

نسيت احكيلك

حج سلامة

الكابتن ممدوح فرج بسلم عليك

قلي سلملي عل واد سلامة

واحكيلي مدفعش فتورة الكهربا لسه

قلتلو لأ يا كابتن ممدوح مش العم سلامة بتاع المدونة ” سلامات ”

سلامة الي بتحكي عليه

ابن ابلى نظيرة

شوفت الكابتن ممدوح فكر انو سلامة انتِ

الى اللقاء

و بعدين معاك يا سلامة

انت كل شوية تجرجرني للقهوة بتاعتك …

إزيك انت ؟

عليا النعمة ما أنت مخنوق

بطل يا راجل الحبتين بتوعك دول … وارجع شوف المرة دي بعد ما العصافير راحت جرى لي إيه

وهو فيه حد يتخنق من زيارتك والا من طلتك البهيه يازمرد زمرد انتى ….؟؟؟ ده انا افتكرت انك امبارح عملتى زى العصافير بتاعة زين …ودخلتى العش بدرى …يالا .. ما نا برضه امبارح راحت عليا نومه

برضه الأصول أصول يادولت …لازما ولا بد تهتمى بضيوفك …مش كفايه انك عامله علينا رقابه…. وبتراقبى كلامنا قبل النشر….ماهى دى مش دامقراطيه برضه يادولت …احنا عايزين ننفتح على العالم بحريه …واللى يتطاول علينا نبلغ عنه الاخ سميح ..يحطه فى البريد اللى بيعمل ازعاج…ويحوله بعد كده للنيابه.

ايه ده يازمرد زمرد …هو حبيبك طلع اسمه بدر شاكر…طيب مش تدارى شويه يازمرد…حد يعمل كده برضه …عموما هو عنده قصيده انا بحبها أوى أوى يازمرد زمرد …بيقول فيها ايه

لوفيقة ….فى ظلام العالم السفلى حقل …فيه مما يزرع الموتى حديقه.. يلتقى فى جوها صبح وليل …وخيال وحقيقه.

وكملى انتى بقى ده عمك سلامه حفظ الكلمتين دول بالعافيه …

نظر مين اللى ضعيف يازينة البنات …؟؟؟؟ عمك سلامه نظره زى الحديد …بس أنا اللى باعمل نفسى مش شايف بمزاجى يازين

بقى نهايتها مش حلوة ؟؟؟ هه …طب لما انتى عارفه ان نهايتها مش حلوة ..بتمشى فى بدايتها ليه يامريم ….وهو انتى لسه شفتى حاجه .

ازيك ياعم سلامة انا جيت اسلم عليك

واطمن عنك

اوعك تكون طخيت حد في البندقية

انا كلمتهم وقلتلهم انك انت طيب جدااا

وزعلك غالي علينا

وماسمحت لأي حد يزعلك وانت في مدونتي

ورحت للشيخ محمد في مدونته وطلبتهم منهم يعملو هدنة

ونرجع كلنا احباب زي الأول

رأيك اي …انا جدعة ولا لاااااااااء

اتأدب يااحمد…كهربة ايه ومية ايه ؟؟؟ ومين الكابتن ممدوح ده ..؟؟؟ أنا معرفش حد بالاسم ده…..وبعدين مش أبلة نظيرة دى بتاعة الطبخ ….؟؟؟

ماشى ياغنيم …ابقى صود بقى

أخي سلامه …. ألف سلامة عليك من الخنقه ….

تحياتي

عم سلامة يا ابو اجمل ابتسامة

عم سلامة ياللى اسمك للنصر علامة

وحشنى كلامك ووحشنى سلامك

ايوة كدة اضرب من تحت الحزام وصحى النيام اخبارك اية واخبار الكفر اية على فكرة احب اضيف لكلامك

دنيتنا موجب وسالب

عارجة وعوجة

مسلوب وسالب

وناس تعالب غاوية المقالب

تطاطيلها تغلب تغالبها غالب

يا با الحاج سلامة انا الواد بيجامة طاير محلق ذى الحمامة خايف اصرحك لاتقوم ايامة —– لكن هصرحك بالحقيقة لو بتحبها سبها و سافر و روح بعيد صدقنى فى الغربة هتكون قريب من قلبهاو تبكى بحرقة من شوقك ليها —– اجرى بسرعة بعيد بعيد هتروح ليها دا انت غريب على ارضها خليك معايا البس بيجامة طاير محلق ذى الحمامة

لأ ياكهرمانه ..لسه ما طخيتش حد بالبندقيه ..؟؟؟ بس عقلى بيوزنى …..والشيطان شاطر ….وعموما عشان خاطر قلبك الأبيض ده اللى زى البفته البيضا ..أنا ح أقبل الهدنه …بس قسما عظما لولا تدخلك وخاطرك عندى ماكنت الا طاخخهم كلاتهم فى الهوا .