وان مت ياأمى ماتبكيش
انا مت عشان بلدى تعيش
==============
ماعرفش ان الدم رخيص
والقمحه ورغيف العيش
والأرض اللى روتها بدمى
والشعب ال انا منه ياأمى
واخواتى اللى أمانه فى عرضى
راحو يااما ومسكها شاويش
==============
سلمهم قوتى وغنماتى
وولادهم واقفين لولادى
بيقولو هو انت تطول؟
يامحنى ديل العصفور
امسك لك طبله وزماره
أحسن لك تلعب ف الحاره
ياامايا دمعك مع دمى
خلطوهم طعم ف سناره
================
ان مت ياأمى ماتبكيش
وف عيدك يااما.. ح اغنيلك
أغنية يوم التحرير
وولادك يمشو قدامك
ف الزفه أو ف التصوير
***************
كتبها سلامه ابن ابو سلامه في 02:13 مساءً ::
332 تعليق
في16,آذار,2008 - 02:30 مساءً, سلامه ابن ابو سلامه كتبها ...
عيد الأم ياولاد ..أوعو تنسوها ...بس حابب أقوللكم ...إن أمى هى أمكم.
في16,آذار,2008 - 04:22 مساءً, RAYAN كتبها ...
انا الاول
في16,آذار,2008 - 04:25 مساءً, ام ليث كتبها ...
الحمد لله
الام والشمس وجهين لعملة وحدة ما في حياة من غيرهم
طبعا كل شوية بنقراء فقرة وبنرجع نعلق
في16,آذار,2008 - 04:29 مساءً, RAYAN كتبها ...
ما كان العشم ياعمو سلامه انك تقول الكلام ذا فيه
وبعدين ذي بنت تخليك تقول عني كذا
ان كيدهن عظيم
بس برضو انا مش ساكت على الموضوع ذه وحاروح اشتكي المحكمه ما اصلو من يوم ما خشيت انا المدونه وانتو متعودين على المحاكم
وانا عشاني زعلان ما حا اعلق الموضوع
في16,آذار,2008 - 04:39 مساءً, osama كتبها ...
هو ده الكلام اللي يتقال اليومين دول...ومفيش غيره...بجد بقى أنا حأسميك "ضمير الغلابة"
في16,آذار,2008 - 04:42 مساءً, ام ليث كتبها ...
ذكرني كلامك بكلام واحد حكى أمس أن مصر كانت تغذي المنطقة الممتدة من روسيا
إلى أفريقيا بالقمح .................وتصورت الحال بس صدق أنه الوضع غير يتحسن دائما خليك متفائل
بعدين بتوصيني ما أنا أم ولا بتفكرني الأنسة أم ليث
في16,آذار,2008 - 05:03 مساءً, عادل سعيد كتبها ...
يا حبيبتى يا أمى
يل حبيبتى يا مصر
يا سلطانة ف كل عصر
واقعة ف ايد ولاد العر...
بكرة ترجعيلنا يا مصر
في16,آذار,2008 - 05:53 مساءً, زِيِن كتبها ...
و بعدين يا سلامة ف الهم اللي ما يتلم ده ....
البلد اللي كلنا تعبنا فيها و خلصناها من الغريب يجي ابن البلد يقولك ده خيار و ده فقوس
لكن .... لكن البطن اللي جابت سلامة ابن ابو سلامة ...عمرها ما ح تموت ...
ما قلتليش .... خلصت إمتى مع كايداهم .... قصدي سقيتو الأرض اللي حدا الترعة ...؟؟؟؟
في16,آذار,2008 - 06:16 مساءً, سلامه ابن ابو سلامه كتبها ...
ترعة ايه يازين البنات ...؟؟؟ وايه حكاية كيداهم دى اللى مخلياكى تمشى تكلمى نفسك ....ده انتى لو عرفتيها ح تتخضى ...ح تسخسخى يعنى .
في16,آذار,2008 - 06:18 مساءً, سلامه ابن ابو سلامه كتبها ...
أم ليث ..ياام الحبايب انتى ...ده انتى قطعتى قلبى على موضوع الامهات بعيون الابناء ......ربنا يحميكى ويحفظك ياام الليوث
في16,آذار,2008 - 06:19 مساءً, سلامه ابن ابو سلامه كتبها ...
ضمير الغلابه مره واحده ياعم اوسامه ....؟؟؟ ربنا يوسع عليك ...ويكرمك من وسع
في16,آذار,2008 - 06:19 مساءً, مجهول كتبها ...
سلمي يا سلامه ومصر ديه امانه
في16,آذار,2008 - 06:20 مساءً, سلامه ابن ابو سلامه كتبها ...
بكره ترجع ان شاء الله ياعادل ...بكره قريب
في16,آذار,2008 - 06:22 مساءً, سلامه ابن ابو سلامه كتبها ...
شوف ياريان انت مش ح تعقل الا لما محكمة البنات تلبك حكم ...وساعتها ح تقول ياريت اللى جرى ماكان
في16,آذار,2008 - 06:34 مساءً, حسن محمد توفيق كتبها ...
سلامه ابن ابو سلامه
شكرا لك تواصلك وتعليقك
-------------------------------------------------------
ههههههههههههههههههه
الحمد لله استلمت بطاقة العيش من اسبوع وبصراحة اخر راحه ... اروح الجمعية الخيرية بتاعة الحى اى وقت من 8 صباحا الى 2 ظهرا تجد الخبز وتاخذه وتمشى فى سهوله
وبعدين شفت نعمة الفقر كويسه علشان تمنع عنا الادمان .... بس انت نسيت احنا برضه مدمنين
*
*
*
*
*
*
--------------------------- فقر ---------------------
في16,آذار,2008 - 06:35 مساءً, المناهل كتبها ...
اه ياعم سلامه لسانك بينقط دررر
يالا قول للاخ ريان ع هديه عيد الام وقول الي ساعدة في تربايتو زي امو
يعني انا كمان ياريان فاهم
بايوووووووووووووووووو
في16,آذار,2008 - 07:13 مساءً, سلامه ابن ابو سلامه كتبها ...
ألف مبروك ياعم حسن على البطاقه ...وربنا يكرمنا بواحده زى بطاقتك نستلم بيها العيش ....أحسن الجماعه هنا بيشتكو فى مكتوب من الضرب اللى بياخدوه فى طوابير العيش
وعندك حق والله ....الفقر ادمان .....بس ارحم من الغنى ...اللى ما يخليش الواحد ينام
في16,آذار,2008 - 07:16 مساءً, سلامه ابن ابو سلامه كتبها ...
الكلام ده مظبوط يامناهل العلم والادب والمعرفه ...؟؟؟؟ يعنى انتى كمان تعبتى فى تربية الواد ريان ..؟؟؟؟ طيب لما هو كده ...فارد قلوعه ونافش ريشه ليه على عمه سلامه الغلبان ...؟؟!!!
في16,آذار,2008 - 07:51 مساءً, Nizar Ahmad كتبها ...
مسا الخير يا عم سلامة
كل يوم وكل ام بكل خير
اخر الاسبوع توفت خالتي واضطرت امي تبعد عنا فترة....
احسست بفقدها جدا ...ظليت اوقف امام خزانتها كل لحظة ... واتمنى لو ترجع لحظتها...
اي كلام ما رح يووصف يلي اي مشاعر...
شكرا ياعمو على ادراجك...
نزار احمد
في16,آذار,2008 - 07:52 مساءً, العنود الراشد كتبها ...
واخيــــــــــــرا يا عمو سمسم شفنا جديدك
الله ما اجمل القصيدة اللي كاتبها فيها ريحة الطيبة والحب والمشاعر الصادقة
ربنا يطول في عمرك ... ويخليلك ست الحبايب
كلمة اخيرة : ليس في العالم وِسَادَةٌ أنعم من حضن الأم
سلام يا عموووووووووووو سمسم يا طيب
في16,آذار,2008 - 07:59 مساءً, العنود الراشد كتبها ...
ست الحبايب يا حبيبة
يا اغلى من روحي ودمي
يا حنينة وكلك طيبة
يا رب يخليك يا امي .............
في16,آذار,2008 - 08:53 مساءً, محمد رمضان كتبها ...
قال صلى الله عليه وسلم
(مااجتمع قوم في بيت من بيوت الله يتلون كتاب الله ويتدارسونه فيما بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده )
تعالوا نجتمع سويا في مدرسة الحبيب محمد صلى الله عليه وسلم
ونقرأ معا حكاية أوريا بن حنان مع النبي داوود عليه السلام ماذا حدث ؟؟
أخوكم في الله محمد رمضان
في16,آذار,2008 - 09:56 مساءً, عصام السعدي كتبها ...
عم سلامة
ممكن أشكرك يجي كده ألف مرة ..أحلى ما فيك إنك يوم ما تتكلك على المسائا الخاصة جدا ما تنساش الهموم الكبيرة ..إنت فاكر إنها حاجة سهلة لما تربط الخاص بالعام..إنتى بقى أستاز في الربط بين المسائل ..لأ ومش بس الخاص بالعام إنتى تربط عاطفة الولد مع أمه اللي هيا أقدم عاطفة حسينا بيها مع اللي بيجرى الأيام دي ..طب والله ما بقيتش أعرف اصحى الا لما أمر على دوارك وما انمش إلا لما آجي أطمن على عم سلامة
حقولك على حاجة هيا اللي محبباني فيك يا راجل يا ابن الأصول ..الحاجة دي إنك عامل زي سنبلة القمح المليانة كل ما اتملت أكتر كل ما تواضعت أكتر ..أنا عارف إنك بتكتب أحسن مننا كلنا بالفصحى بس برضه ما انستش انك ابن بلد وفلاح وابن ناس عرقانين في الغيط وبياكلوا من طرح ايديهم..ويزيد احترامي ليك كل ما اشوف المدونات التانية اللي مليانة شخابيط اي كلام وأصحابها منفوشين زي الطواويس أو زي السنبلة الفاضية اللي متشعبطة لفوق وتقول شفوني يا ناس..
عم سلامة أنا بتعلم هنا منك
وسلامي ليك ولأمي ناعسة وياريت تبلغها سلامي وتقول لها إبنك عصام بيبوس ايديكي وتراب رجليكي ..وسامحينا يامه..سامحينا يامة
في16,آذار,2008 - 10:19 مساءً, cinderella كتبها ...
عمو سلامه
مبروووووووووك الموضوع الجديد
بجد الام دي مفيش اغلي منها ابدا
ولا يمكن اي حد ياخذ مكانها ولا حبها في القلب مهما حصل
وتفضل هي الاغلي سواء موجوده او حتي مش موجوده بجسمها الا انه مكانها في القلب يكبر كل يوم
ما احلي الام
ربنا يخلي ويحرس كل الامهات يا رب
اما عنمصرنا فوالله نموت فدي ترابها ولا هي تتهان ولا تنجرح
بس هقولك يا عم سلامه بمناسهب الادراج الحلو ده
خلاص مش هاخد الكرنبه ولا احطها في عروه الجاكته مع انه ناعسه كانت ممكن تستفيد منها وتعملنا بيها حله محشي؟؟؟
يالا طالما انت مكسوف مني ومن شياكتي مع اني والله كنت عاوزه اشرفك وتتفشخر بيا في الكفر كلاته
مش مهم
انت برضه راجل زين وميهمكش الحاجات دي
خلاص بقي انا هموت من الجوع مفيش تصبيره كده علي لماشي؟؟
وعلي فكره مفتاح ضحك عليك باماره الفلامنكو
هههههههههههههههههه
طيب انت تسحق واحده فلامنكوووووو
وصلحوه
في16,آذار,2008 - 10:35 مساءً, يوسف ضمرة كتبها ...
أغنية التحرير إلى الأم؟ يا لها من هدية رائعة!
عارف يا عم سلامة؟ اللي بيعجبني فيك، هو انك على طول شايل الناس كلاتها في قلبك، وهو دا اللي بيخلي شعرك يهم الكل، يا شاعر الكل.
تسلم يا بلديات
في16,آذار,2008 - 10:50 مساءً, salwa jalal كتبها ...
يــا عــم ســلامــــه
عيد أم مأتم هو
.
ما أسمى هذا المزج بين المشاعر وما أتقنه
وتلك صنعة فنان نعرفها للعم سلامه
المتميز الفريد
.
تحية ود وتقدير
وإعجاب ليس عليه من مزيد
*
في16,آذار,2008 - 11:39 مساءً, إشراف شيراز كتبها ...
عمو سلامة..............
أمك دي مش أمك انت و بس دي أم الدنيا ...................
مهما قست بنحبها و نرد نوطي و نبوس ايديها ...و لزما و لا بد تطلع حنيتها
من جديد .....و تحتوينا ..........هي بس بتربينا ..........و بثمرت ترابها نعيش
و تحت تراب رجليها نموت ...و نموت فيها .....
الله عليك يا عمي تحير المواجع و تغني ...
سلامي
في17,آذار,2008 - 01:04 صباحاً, الوردة البيضاء كتبها ...
عمووووووووووووو سلامة
اي الموضوع الجامد ده
شوف لو حكينا عن الام الحقيقة مش رح نخلص ابداااااااااا
ربنا يرحم امهات العالم ويحفظ الأحياء منهم
*********************************
اما عن مصر دي ام الدنيا كلهاااااااااااااااااااا
مع اني مش مصرية الااني بموت على مصر ادعيلي ياعم سلامة اجي يوم اشوف مصر بحق وحقيق واروح الاهراامات وكل الأماكن الحلوة طيب تصدق بالله ياعم سلامة
لو ربنا كتبلي عمر يعني انا نفسي السنة دي اقضي اجازة الصيف نصها بمصر والنص التاني بالشام ادعيلي انت بس وقول يارب
نسيت اقولك الباشا بيسلم عليكي وبيقولك انت عم الكل وسلامنا لناعسة كمان
في17,آذار,2008 - 01:44 صباحاً, سـامية عبد المطلب كتبها ...
وولادهم واقفين لولادى
بيقولو هو انت تطول؟
يامحنى ديل العصفور
امسك لك طبله وزماره
أحسن لك تلعب ف الحاره
الله ياعم سلامة .. روعة.. انت فعلا موهوب.. الغنوة دي لازم تتلحن.. فين اصدقاءك الفنانين..
الشعر هو الكلام اللي يخاطب المشاعر ويحرك الوجدان... كلام مفهوم بخش القلب بدون استئذان..
كل سنة وناعسة طيبة .. وربنا يحميكم لاولادكم
في17,آذار,2008 - 02:46 صباحاً, عاشــــــقة الورد كتبها ...
ايه الموال الحلو ده...
مقطوعتك يا عم عزفت على اغاصان ورودي..والدمعة سالت ندى من عروقها..
لكن بادن الله الدموع ده تبق مطر تروي ارض امنا من جديد....وترجع الفرحة لاحبابنا....
تسلم...ويسلم الناي الي عزق المقطوعة ديه....
صباحك سكر وشهد
في17,آذار,2008 - 02:49 صباحاً, المناهل كتبها ...
صباح الخير عمو
وبعدين شو اعمل فيه لك والله غلبنه وياه انت لو بتكون معاه مايرتاح الين ماتقولو صح ياعم
ههههههه بس ترى والله ولد مافي ززززيو وماشاء الله عليه بيطلع الاول ع المنطقه ترى
وهو بيدرس هندسه كمبيوتر الله يخلي يارب
والله مابتعرف ياعمو انا قدي بحبو الله يخلي ليا ولامو
بس ترى المحكمه حكمت بانو فتان لاني انا قدمتله ادله هههههههههه
فلامنكوووووووووووووووووووووووو
في17,آذار,2008 - 05:01 صباحاً, زهرة النسرين كتبها ...
ان مت ياأمى ماتبكيش
وف عيدك يااما.. ح اغنيلك
أغنية يوم التحرير
وولادك يمشو قدامك
ف الزفه أو ف التصوير
سمسمتي الجميلة ...
ومن قال ان امهاتنا يبكو لما بيشوفوا ولادهم رجالة ...
والتاريخ شاهد ..بالخنساء في فجر الاسلام والخنساء الفلسطينية الان ...
والزمن ليس ببعيد وكلنا شفنا الامهات بترسل ولادها للجبهة عشان تحارب المحتل الظالم ..والمحتل ليس بالضرورة ان يكون خارجيا ...فكم من محتل يرتدي ثيابنا ويتكلم لغتنا ...بس بيغتصب ارضنا ويجبرها على البغاء تحت مسمعنا ومرأنا ...
أجمل اغنية تسمعها الام ..لما تسمع ان ابنها مات راجل وفي سبيل قضية ولو كان في سجون بلده ...ولا صوت اجمل من زغرودة ام ضحت بأبنها في سبيل وطن ...
عمو سمسم ..الظاهر انك بقيت زعيم سياسي وعايز توظف شعبيتك في المدونات بتكوين حزب معارض ...ابقى خلي بالك من العفاريت اياهم - ربنا يجعل كلامنا خفيف عليهم ...
بجد عجبني النص ....وعاجبني اتجاهك الجديد ..
سلام يا احلى سلامة يا عم الكل ..
في17,آذار,2008 - 05:25 صباحاً, نظرتي للحياة كتبها ...
كان نفسي من زمان ؟؟ أزور مدونتك ؟؟ وتهت بين المدونات ؟؟
مش عارف أزور مين ولاّ مين ؟؟ بس الحمدلله إني زرت المدونة هااااذي .
وراح أرجع تاني ,, صباحك ورد يا عم سلامة
في17,آذار,2008 - 05:29 صباحاً, salwa jalal كتبها ...
العزيز الغالـــــي
عـــم سلامــــــــــه
يخيل إلي والله تعالى أعلم
أن هناك فكرة رائجة في حاجة إلى تصحيح
وهذه الفكرة هي القائلة
وليس في مصر وحدها
بل في سائر أقطار وطننا العربي
القائلة بأن الناس المستضعفين
الغلابة كما يقال
هم وحدهم المخلصون لهذا الوطن
وهم وحدهم الذين قلبهم يفور كالبركان الحي
غيرة على مستقبله
وأن هناك جماعة من أبناء الوطن
تسلطوا على الحكم
وجنحوا به نحو مهاوي الضلال
وأن آفة الوطن
هي في حكم هذه الفئة
فلو تغير هذا الشخص أو ذاك
وجاء من هو أكثر غيرة منه على مصالح الوطن
لقفزت البلاد إلى الأحسن
ولوجد كل شخص نفسه في وضع أحسن
.
والحق كما أراه
وقد أكون غير مصيبة فيما أراه
أن كل حاكم حاكم من حكامنا الراهنين
وبدون استثناء
هو أكثر دراية بما يحتاجه الوطن ليصلح حاله
أكثر دراية وفهمًا من غيره من سائر الناس
وأن غيرته على الوطن لا تقل بحال من الأحوال
عن غيرة غيره على تقدم هذا الوطن
وصلاح حال أبنائه
وإنه ليبذل جهده الجهيد في سبيل الإصلاح
فهو يعرف حساسية موقعه
وهو يعرف أنه لن يأخذ معه أي شيء من متاع الدنيا إلى القبر
ولكن المسألة كل المسألة أنه محكوم بدرجة تدرج الوطن على سلم التقدم
فهو كالمالك لسيارة من نوع متوسط
لا قوة لها بحال على مسابقة السيارات ذوات المحرك من النوع العالي
وموج أحداث العالم المتلاطم من حوله
يفرض عليه فرضــًا أن يقود السفينة
وأن يتنبه أشد التنبه لكل ما يأتيه
من سائر الاتجاهات
.
باختصار القائد والمقود هما معًا في قلب المعركة
هما معًا واحدٌ
وإنما النزاع كل النزاع هو حول النظام الحاكم المسير
والأنظمة أنواع
فما أصلحُ نظام للخروج من المتاهة
والتحرك بنا جميعًا في الاتجاه الصحيح
.
هنا ستختلف الأجوبة
حسب القناعات والمنطلقات
حسب الخلفيات المرجعية
.
وإنك لتجد حصانــًا يبدو للأغلبية الساحقة اليوم
أنه الأجدر بالامتطاء
وهو الذي يسمونه الديمقراطية
ومن علاماته صناديق الاقتراع
والحرب من ثمة قائمة حول نزاهتها وعدم نزاهتها
فذاك وجه
وللحصان عدا هذا الوجه
بقية أعضاء
والمعركة برمتها هي في صميمها
معركة حضارية
.
أقول قولي هذا
وأستغفر الله تعالى لي
وللقارئة والقارئ
وكل عيد أم / أب / وطن
وأنت يا عــــم سلامـــــــــــه
البهي أبدًا
بألف خير وخير
.
فأما إبداعك هنا
فهو شاهد عليك كالمعتاد
نجمة وضاءة متلألئة
تكسف أضواء سائر نجوم السماء
*
في17,آذار,2008 - 06:30 صباحاً, علي عبدالرحمن كتبها ...
عم سلامه الهمام
أنظر إلى تاريخ مصر ستجد لقطات نادرة امتلك فيها أبناء مصر زمام الأمور
دائماً يحكمنا غرباء سواء رضينا أم لم نرضى
من لي في الوجود بفارس يخرجها ويخرجنا معها من الظلمات إلى النور
إلى أن يحدث ذلك وظني أنه ممكن بعد قرنين من الزمن
ليس بيدنا سوى أن نحب أمنا ونبرها ولا نضعفها أكثر
عابر سبيل المصري جداً
في17,آذار,2008 - 07:07 صباحاً, كامل النصيرات كتبها ...
عم سلامة
دي مقطوعة غنائية حتهبل العالم لو تعملت
انت بتجيب الكلام الحلو دا منين
دا انت حكاية يا عم
دام تجليك واباعك
تحياتي
في17,آذار,2008 - 07:11 صباحاً, خيال انثى كتبها ...
كلام جميل يا عم سلامه
مع انني ضدة عيد الأم
يجب علينا ان نقدر امهاتنا دوما
ولا نقلد من ابتدع اعياد ليست من ديننا
كن بخير
في17,آذار,2008 - 07:29 صباحاً, fati_zhr كتبها ...
العم سلامة
يسعد صباحك ايه الموضوع الجامد دى ....وايه روعة الكلمات دي
كلامك كتير جميل .....
على فكرة ما تنساش تجي لدواري وتشوف انا كتبتلك تعليق بس والنبي ما تزعل
انا عشمي فيك كبير....لانك هتفهمني اكيد
في17,آذار,2008 - 08:12 صباحاً, ام ليث كتبها ...
سلامات
دمت بخير ............والأمهات بخير ............وأم الدنيا بخير
في17,آذار,2008 - 11:47 صباحاً, احمد غنيم كتبها ...
اخي العم سلامة
موضوعك جميل
وكلامك فيه الطيبة والاصالة
تحياتي الخالصة
الفيلسوف
في17,آذار,2008 - 11:48 صباحاً, عبدالعالي أواب كتبها ...
يا سلام عليك يا سلامه ابن ابو سلامه
يا سلام عليك يسلم لسانك و تسلم يديك..
أزجالك قريبة جدا إلى الخاطر ..عذبة وجدابة و قادرة على إقتحام مزاج القارىء..
تابع مسيرتك
خطك سليم و مستقيم
دمت مبدعا
عبدالعالي أواب
في17,آذار,2008 - 02:05 مساءً, مريم العجيلي كتبها ...
يبا الحج سلامة
امك هي امي .. ومصر بتجري في دمي هههههههههههه مش دي اغنية برضو
بجد وحشتني امي هي عند امك يا سلامة
ابقي روح شاقر على امي ام مريم ... وقولها بنتك مريم بتسلم عليك ووحشاها يا ست الكل
وكلامك حلو .. بجد ... واحلي من كلام ناس عملة نفسها بتفهم ولما تحب وماتنحب تتغاز ههههههههههههههههههههههههههههههههه
وناس كده وكده بتكتب وخلاص همها انها تشتهر وبعدين ههههههههههههه
بس انت احلاهم ولو انك بتتاخر في الادراج
بقولك ايه انت بتعرف الاغاني الليبية
عيزة ابعتلك وحدة وتحورها ماشي عشان خاطر حبيبتك مريم .. مرمر البضة الغضة
حبيبي حبيبي تجرح في وانا نسامح فيك .. دي اغنية لمطرب ليبي اسمو محمد حسن
استناك وحياة الصورة اللي عند العنود
بحبك
في17,آذار,2008 - 02:06 مساءً, مريم العجيلي كتبها ...
اه نسيت
وحشتني انت واشكرك لانك خفت عليا امس .. وغوشتك عني اسفة
فمنهوووووووووووووووووووووووووووووووو
في17,آذار,2008 - 02:20 مساءً, AMEERA كتبها ...
نهنئكم بمولد الهادى الأمين
فداك ابى وأمى يا رسول الله ولا نامت أعين الجبناء
ملأ الأرض بأنوار النبوه ........ كوكب لم تدرك الشمس علوه
بينما الكون ظلام دامس ....... فتحت فى مكة للنور كوه
هذا هو رسولنا الكريم محمد ( صلى الله عليه وسلم )
كل سنه وانت طيب يا طيب
أميييييييييييييييييييييييييييييييييييره
في17,آذار,2008 - 02:31 مساءً, طارق الغنام كتبها ...
الرائع سلامة
قلتلى انكم بتخبزوا فى الدار اللى يقرا كلامك يقول انت كنت اكيد واقف معايا ف طابور العيش
وانا بقول العيش بيروح فين
اخى الحبيب
دائما ادراجاتك تحمل هموم الشعب وبخفة دم احسدك عليها
تقبل تحياتى وحبى لشخصك
ودمت متألقا
في17,آذار,2008 - 02:42 مساءً, تمارا بزبز كتبها ...
مساك ورد وفل وياسمين يا عم سلامة
كلامك ما في متله ابدا
الام مدرسة وما في ادفى من حضن الام وحنانها
في17,آذار,2008 - 02:57 مساءً, cinderella كتبها ...
عيني يا عيني
ايه الكلام ده بقي
وكمان تيجي مصر ولا تقوليش؟؟
ماشي خليك فاكرها
طيب انا هاجي عندك وهاكل كمان وانت متعرفشي ههههههههههه
وبعدين يا عمده انت مقولتليش لما قمت ورحت المكان التاني البنات كانوا معاك ولا بنات تانين هههههههههههه
وكمان بتتعاكس
ماشي انا هبعت المخبر بتاعي يطقس علي الموضوع ده
هههههههه
وبرضه فلامنكوووووو لانك راجل طيب
في17,آذار,2008 - 03:01 مساءً, إشراف شيراز كتبها ...
عمووووه................
و كمان أكمل كلام مرمر ....و متوغوشين عليك انت فين يا وجه الخير ......
طمنا عليك ..........و بردو ....فمنهوووووووووووووووووووووووووووووووووووووو
في17,آذار,2008 - 03:32 مساءً, المناهل كتبها ...
هههههههههه وينك عمو سلامه لك والله انا
وبعدين حلوة ابو عويصه
ابقى خليه يفرح شلتلو الرزيله ههههههه
ع فكرة انا قلت لساندي انها في امان
حاتكسفني ياعم ولا ايه
فلامنكووووووووووووووووو
في17,آذار,2008 - 03:39 مساءً, سلامه ابن ابو سلامه كتبها ...
كله الا الأم يانزار ...حتى روح اسأل أم ليث ...قطعت قلبى وعقلى
في17,آذار,2008 - 03:42 مساءً, عاشــــــقة الورد كتبها ...
عزيزي سلامة...
تقطع الادين الي ترمي او تخبي تعليقاتك....
انا كنت بعمل شغل في الادارة...جيت اعمل الغاء تثبيت ...عملت حدف للادراج كله
بالغلط...كنت ساعتها هتجنن...
على العموم انا اضفت عليها كلام...يعني خيرها في غيرها ...
تعيش يا سلامة الكل...ومننحرمش منك ومن قلبك الكبير...
كل سنة وانت بخير
في17,آذار,2008 - 03:43 مساءً, سلامه ابن ابو سلامه كتبها ...
حتى انتى ياالعنود الراشد..؟؟؟؟ سمسم ...؟؟؟!!!! بدل ما تقولى لى ياجدو ...بتقولى لى ياسمسم ....هى البت الغلباويه بتاعة بنغازى اللى اسمها نسرينا عوجت لسانك ياعنود.....؟؟؟
أنا عمو ياعنود ..شعرى ابيض .. ووشى أجعد ....قولى لى ياعمو ..تريحى قلبى ياعنود يابتاعة الفراشه اللى دخلت من الشباك.
في17,آذار,2008 - 03:44 مساءً, سلامه ابن ابو سلامه كتبها ...
قريت الحكاية ياشيخ رمضان ...لا حرمنا الله من حكاواتك....ربنا يزيدك ويفتح عليك
في17,آذار,2008 - 03:54 مساءً, سلامه ابن ابو سلامه كتبها ...
شوف بقى يابو السعدى ...كلامك بيخلى عنيا تدمع ....وانا من النوع اللى دمعته سريعه حبتين ....وكمان كلامك بيدينى أكتر من حجمى يابو هدى ...ليه أكتر من حجمى ..؟؟؟ لأن أنا شايف نفسى كويس ..ساقط جواها ...ونفسى دى تقدر تقول عليها ...عود أخضر ...مش معنى كده ان انا صغير فى السن أو ماشفتش ولا عيشت المرار اللى الناس الغلابه اللى زى حالاتى عاشوه وشافوه ...؟؟؟أبدا ..عشت كل حاجه ...بس عمر العود الأخضر اللى جوايا ما اصفر ولا احمر ولا اسود ...عندى أمل ...وبحب أضحك فى وش الناس ...مش حاطط رقم حداشر زى أهل البتراء اللى كتبت عنهم أم ليث ولين عبد الله .....وتعالى شوف الكبراء والعظماء بتوع مصر المحروسه ..كلاتهم يتمنو يصاحبونى ...بس انا مابلاقيش نفسى غير مع الواد ابن ابو خميس والواد عيطه ..وعطوة فراش المدرسه
ومقاولين الانفار والفلاحين وعمال شركة الغزل ومصنع البلاط ...
وبعدين تعالى هنا ...انت اخترت اسم الديوان والا لسه ....هو مش انا قلت لك عليه ..؟؟
في17,آذار,2008 - 04:02 مساءً, سلامه ابن ابو سلامه كتبها ...
كرنبة ايه اللى ناعسه ح تعملها محشى ياساندى.؟؟؟ وكمان فاكرانى بعزمك عشان أتفشخر بيكى فى الكفر حدانا ..؟؟؟ أنا طول عمرى بتفشخر بناعسه ياساندى ...
وبعدين مفتاح ما بيضحكش عليا ولا حاجه ..لأنه راجل طيب ورفض يقول لى على ايتها معلومه ...انا اللى باشغل البصاصين بتوعى فى كل مكان يابتاعة الدور الخمستاشر ..
ولوزة مستنيه زيارتك وتشريفك لينا على أحر من الجمر ...دى نفسها تشوفك موت .
وبعدين فلامنكو دى تقوليها لناعسه ياساندى ...لأنك لو ما قلتيش لناعسه سر الفلامنكو ....هى بنفسها اللى ح تحط لك الكرنبه فى عروة الجاكيته... وتدبح لك جوزين فول نابت على الغدا ,,,,أعمل ايه بس .....لو ماكانش دمك خفيف.
في17,آذار,2008 - 04:03 مساءً, سلامه ابن ابو سلامه كتبها ...
متشكرين يابوضمرة يابن بلدى ...ياأمير ياطيب ...ياللى خليت روحى كانت ح تتطلع بسبب الست اللى بتتوجع عندك.
في17,آذار,2008 - 04:05 مساءً, سلامه ابن ابو سلامه كتبها ...
متشكرين ياسلوتى ...ماهو عيد الأم بقى ...والواحد لزما يفضفض ويطلع لها اللى ف قلبه يابتاعة الصحرا
في17,آذار,2008 - 04:08 مساءً, سلامه ابن ابو سلامه كتبها ...
حد يقول لى ان اشراف شيراز مش مصريه ياناس ......البت زى ماتكون مولوده ف شبرا ..
عموما أنا قلبى بيرقص لما ألاقيكى عندى ...وكمان عند البت اللى جالها تسمم من الكسكسى .....
انتى بنتورى الدار وأهل الدار يااشراف
في17,آذار,2008 - 04:13 مساءً, سلامه ابن ابو سلامه كتبها ...
طيب ايه رأيك ياكهرمانه انا عازمك تيجى تشوفى الاهرامات وابو الهول انتى والباشا صاحبى ...بس تزوريها فى الشتا ..مش فى الصيف ...دى فى الصيف بتبقى نار ياورده ...وربنا ما يوريكى ...
يعنى تزورينا فى البلد كام يوم ...ونعمل لك برنامج تزورى فيه مصر الحروسه ..من أول توت عنخ امون ...لغاية ...سلامه ابن ابو سلامه وحرمه ناعسه ....قولتى ايه ..؟؟ وخلى بالك ...انا لما بقول كلمه ..تبقى هى الكلمه ...يعنى مش عزومة مراكبيه زى عزومة البت مريم الغضه البضه
في17,آذار,2008 - 04:16 مساءً, سلامه ابن ابو سلامه كتبها ...
غنيوة ايه اللى عايزاها تتلحن يابتاعة الورد ..؟؟؟ انتى عايزة تتدخلينى السجن يابت الحلال ....؟؟ والا تكونى فاكرانى نجم والشيخ امام ..؟؟ وبعدين انا زعلان منك ياعاشقة الورد ...ازاى ترجعى تانى انشودة الحب واسمى مش فيها ياسفيره ؟؟
في17,آذار,2008 - 04:20 مساءً, سلامه ابن ابو سلامه كتبها ...
معلش ياعاشقة الورد ..اتلخفنت وكتبت لأم هند بدل ما اكتبلك ...أنا قاصدى ان تعليقى اللى فات ليكى انتى ياام هند يامغلبانى ...ياللى قاعده تقولى لى من امبارح انك قد والدتى....هو انتى ياساميه ما تعرفيش إن أنا اللى قد والدتك .
في17,آذار,2008 - 04:21 مساءً, سلامه ابن ابو سلامه كتبها ...
عموما سامحينى ياام هند ..سامحينى ياعاشقة الورد...العتب على النظر ..والنبى ما تزعلو يابنات.
في17,آذار,2008 - 04:23 مساءً, سلامه ابن ابو سلامه كتبها ...
الا هى مناهل دى اللى فى التصويره فوق ياولاد ..؟؟؟ لأ دى مش مناهل ...مناهل تصويرتها بخمار أزرق ...ودى تصويره أبيض واسود... انتى فين يامناهل العلم والأدب والمعرفه؟؟؟؟؟ أوعى يكون حد خطفك..
في17,آذار,2008 - 04:26 مساءً, عصام السعدي كتبها ...
عم سلامة
حقول أيه بس
فاكر المتنبي قال أيه :
(وإذا كانت النفوس عظاماً ......تعبت في مرادها الأجسامُ)
أهو انتا كده بالزبط ...نفس عظيمة ..وتاعباك
ابقى ابعت لي عنوانك البريدي علشان اشيع لك الكتاب ..ويا ريت يعجبك
أما العنوان فما زال محيرني
كنت حاسس ان ( مر الزمان ولم ينتبه ) هو العنوان المناسب لغاية ما افتكرت محمود درويش بيقول " وتاريخنا مر فوق الرصيف ولم أنتبه ) ف محبيتش حد يطلع يقول لي جايبها من محمود درويش
بعدين قلت اسميه ( يشرقُ بالغياب) ..قمت لقيت ديوان شعر اسمه ( مطعونا بالغياب ) فصرفت نظر برضه ..فاضل عنوانين
1- ما أخبئ في دمي
2- فوق جرح الكلام
فأيه رأيك ناخد ايها عنوان فيهم
دمت بخير وعافية
في17,آذار,2008 - 04:28 مساءً, سلامه ابن ابو سلامه كتبها ...
والله ما عارف أرد أقول ايه على كلامك يانسرينا ....؟؟؟ تعرفى ان انا عمر نظرتى ما تخيب ابدا ...ونظرتى فيكى يانسرينا كانت فى محلها ....ليه ..؟؟ لأنك رغما إنك غلباويه ...وفرسانى من وقت للتانى ...وواقفه لى على الواحده ....الا إنك يانسرينا عندك عقل وبصيره ...وقلب عمران ...ولما بتتخنقى ...بتفكى بسرعه ....وبتحبى الناس ..وبتحبى تراب أرضك وأهلك ووطنك ...
بس أنا يانسرينا ما بخافش الا من اللى خلقنى .............................والعساكر.
في17,آذار,2008 - 06:09 مساءً, سلامه ابن ابو سلامه كتبها ...
متشكرين على زيارتك ياصالح ...شرفتنا ونورتنا يابو نظره فى الحياه
في17,آذار,2008 - 06:21 مساءً, سلامه ابن ابو سلامه كتبها ...
شوفى بقى ياسلوتى ....طبعا انا عارف ان انتى ليكى رأى فى موضوع مين اللى بيحكم ...الفرد الحاكم ؟ أم المؤسسه الحاكمه ؟ واحنا دخلنا فى صولات وجولات قبل كده ياسلوى .. المهم اللى بيحكم ده ....بيراعى الناس والا بيراعى نفسه ...؟؟لو بيراعى الناس ياسلوى يبقى لزما يحس بيهم وينزل وسطيهم ....وكمان انا ياسلوتى ما بتكلمش عن فئة الغلابه وبس ...أنا بتكلم عن الأغلبيه المطحونه ...الأغلبية المغلوبه على أمرها ...اللى ماحدش حاسس بيهم فوق سواء كان فرد حاكم أو مؤسسه حاكمه ...يعنى لما الناس تموت فى طابور العيش عشان تتحصل لها على رغيف ..ده يرضى مين ؟؟؟ لما المظاهرت تشتعل فى المغرب بسبب الناس اللى مش لاقيه شغل ..؟؟؟ ده يرضى مين ..؟؟ الفقر مش هو المشطله ...الضمير الغايب هو المشكله ...يابتاعة الصحرا
في17,آذار,2008 - 06:22 مساءً, سلامه ابن ابو سلامه كتبها ...
قرنين ايه ياعلى ياعبد الرحمن ...؟؟؟ خليك متفائل ياراجل..